கேஸ் சிலிண்டர் விலை உயர்வு.. புது ரேட் கேட்டா ஷாக் ஆகிடுவிங்க!

மே மாதத்தின் முதல் நாளான இன்று கேஸ் சிலிண்டர் விலை உயர்த்தப்பட்டுள்ளது. எனினும், வீடுகளில் பயன்படுத்தப்படும் சிலிண்டர் விலை உயர்த்தப்படவில்லை. வணிக பயன்பாட்டுக்கான சிலிண்டர் விலை இன்று 102 ரூபாய் உயர்த்தப்பட்டுள்ளது.

இதன்படி, 19 கிலோ எடை கொண்ட வணிக சிலிண்டரின் விலை 2253 ரூபாயில் இருந்து 2355.50 ரூபாயாக உயர்த்தப்பட்டுள்ளது. தற்போது 5 கிலோ கேஸ் சிலிண்டரின் விலையே 655 ரூபாய்க்கு வந்துவிட்டது.

ஏற்கெனவே கடந்த ஏப்ரல் 1ஆம் தேதி வணிக சிலிண்டரின் விலை 250 ரூபாய் உயர்த்தப்பட்டது. அதற்கு முன் மார்ச் மாதம் வணிக சிலிண்டர் விலை 105 ரூபாய் உயர்த்தப்பட்டது. இந்நிலையில் தற்போது 102 ரூபாய் உயர்த்தப்பட்டுள்ளது. அதாவது மார்ச் மாதத்துக்கு பின் இப்போது வரை வணிக சிலிண்டர் விலை மொத்தமாக 457 ரூபாய் உயர்ந்துள்ளது.

சிறு தொழில்.. கொஞ்சம் முதலீட்டில் தினமும் லாபம்!
ஏற்கெனவே சிலிண்டர் விலை உயர்வால் உணவு பணவீக்கம் உயர்ந்து வருகிறது. இதனால் சாமானிய மக்கள் கடுமையான நெருக்கடியை சந்தித்து வருகின்றனர். இந்நிலையில் மீண்டும் வணிக சிலிண்டர் விலை உயர்த்தப்பட்டுள்ளது கூடுதல் நெருக்கடியை ஏற்படுத்தும் என எதிர்பார்க்கப்படுகிறது.

வணிக சிலிண்டர் விலை உயர்வால் பெரிய உணவகங்களை காட்டிலும் சிறிய உணவகங்களே அதிகம் பாதிக்கப்படுவார்கள் என்கின்றனர் நிபுணர்கள்.