ஆப்நகரம்

Bank Holidays: ஜனவரி மாதம் எத்தனை நாள் வங்கிகள் இயங்காது தெரியுமா?

புத்தாண்டு பிறக்கவிருக்கும் நிலையில் ஜனவரி மாதத்தில் எந்தெந்த நாட்களில் வங்கிகள் இயங்கும்; எந்தெந்த நாட்களில் விடுமுறை வருகிறது என்று பார்க்கலாம் வாருங்கள்...

Samayam Tamil 1 Jan 2020, 11:37 am
நம்முடைய பணத் தேவையைப் பூர்த்தி செய்யும் இடம் வங்கி. வங்கிகளில் சேமித்து வைத்துள்ள பணத்தை எடுக்கவும், கடன் வாங்கவும் மற்ற பணப் பரிவர்த்தனைகளுக்கும் வங்கிகள் நம் வாழ்வில் முக்கியப் பங்கு வகிக்கின்றன. நம்முடைய பணப் பரிவர்த்தனைகளை முன்கூட்டியே திட்டமிட்டு அதன்படி செயல்பட்டால் தேவையற்ற அலைச்சலையும் நேர விரயத்தையும் நாம் தவிர்க்கலாம். எனவே வங்கிகளின் வேலை நாட்கள், விடுமுறை தினம் ஆகியவற்றை முன்கூட்டியே தெரிந்துகொள்வது நல்லது.
Samayam Tamil Bank Holidays_ ஜனவரி மாதம் எத்தனை நாள் வங்கிகள் இயங்காது தெரியுமா


அதோடு வங்கிகள் இயங்காத நாட்களில் பணப்புழக்கம் குறைவாக இருக்கும். எனவே வருகிற 2020 ஜனவரி மாதத்தில் எந்தெந்த நாட்களில் வங்கிகளுக்கு விடுமுறை வருகிறது என்பது குறித்துப் பார்க்கலாம் வாருங்கள்.

நாளை மறுநாள் புத்தாண்டு பிறக்கவிருக்கிறது. அன்றைய தினத்தில் அரசு விடுமுறை என்பதால் அனைத்து வங்கிகளும் இயங்காது. ஜனவரி 2ஆம் தேதி மன்னம் ஜெயந்தியை முன்னிட்டு கேரளாவிலும், குரு கோவிந்த் சிங் ஜெயந்தியை முன்னிட்டு சில மாநிலங்களிலும் வங்கிகளுக்கு விடுமுறை.

தங்கம் விலை: இன்னைக்கு பரவால... விலை குறைஞ்சிருக்கு!


ஜனவரி 11ஆம் தேதி சனிக்கிழமை மிசினரி தினத்தை முன்னிட்டு மிசோரம் மாநிலத்தில் மட்டும் வங்கிகளுக்கு விடுமுறை அளிக்கப்படும். ஜனவரி 15ஆம் தேதி பொங்கல் பண்டிகையை முன்னிட்டு தமிழகத்திலும், மகர் சங்கராந்தி, போகலி பிகு, துசு பூஜா, ஹடாகா பண்டிகை ஆகியவற்றை முன்னிட்டு ஆந்திரா, தெலங்கானா, கர்நாடகா, அஸ்ஸாம், பஞ்சாப், மகாராஷ்டிரா ஆகிய மாநிலங்களில் வங்கிகளுக்கு விடுமுறை அறிவிக்கப்பட்டுள்ளது.

ஜனவரி 16ஆம் தேதி திருவள்ளுவர் தினத்தை முன்னிட்டு தமிழக வங்கிகளுக்கு விடுமுறை அளிக்கப்படும். ஆந்திரா, புதுச்சேரியிலும் அன்று வங்கிகளுக்கு விடுமுறைதான். ஜனவரி 17ஆம் தேதி உழவர் திருநாள் என்பதால் அன்று தமிழகத்திலும் புதுச்சேரியிலும் வங்கிகள் செயல்படாது.

இந்தியாவை ஆட்டிப் படைக்கும் வேலையில்லாத் திண்டாட்டம்!


ஜனவரி 23ஆம் தேதி நேதாஜி சுபாஸ் சந்திர போஸ் பிறந்தநாளை முன்னிட்டு மேற்குவங்கம், திரிபுரா, ஒடிசா, அஸ்ஸாம் ஆகிய மாநிலங்களில் வங்கிகளுக்கு விடுமுறை. ஜனவரி 25ஆம் தேதி சோனம் லோச்சர் பண்டிகையை முன்னிட்டு சிக்கிமிலும், இமாசலப் பிரதேச மாநில நாளை முன்னிட்டு இமாசலப் பிரதேச வங்கிகளும் இயங்காது.

ஜனவரி 25ஆம் தேதி நான்காவது சனிக்கிழமை என்பதால் அன்று வழக்கம்போல வங்கிகளுக்கு விடுமுறை. ஜனவரி 30ஆம் தேதி வசந்த் பஞ்சமியை முன்னிட்டு சில மாநிலங்களில் வங்கிகள் இயங்காது. ஜனவரி 31ஆம் தேதி மே டாம் மே பி பண்டிகையை முன்னிட்டு அஸ்ஸாம் மாநில வங்கிகளுக்கு விடுமுறை அறிவிக்கப்பட்டுள்ளது. ஜனவரி 26 ஞாயிற்றுக் கிழமை என்பதால் அன்று வங்கிகள் இயங்காது. மற்ற ஞாயிற்றுக் கிழமைகளிலும் வழக்கம்போல வங்கிகளுக்கு விடுமுறை.

அடுத்த செய்தி

டிரெண்டிங்