இன்றியமையாத வங்கிகள்!
வங்கி - நமது பணத் தேவையைப் பூர்த்தி செய்யும் இடமாகும். வங்கிகளில் சேமித்து வைத்துள்ள பணத்தை எடுக்கவும், கடன் பெறவும் மற்ற பணப் பரிவர்த்தனைகளுக்கும் வங்கிகள் நம் வாழ்வில் முக்கியப் பங்கு வகிக்கின்றன. நம்முடைய பணப் பரிவர்த்தனைகளை முன்கூட்டியே திட்டமிட்டு அதன்படி செயல்பட்டால் தேவையற்ற அலைச்சலையும் நேர விரயத்தையும் நாம் தவிர்க்கலாம். எனவே வங்கிகளின் வேலை நாட்கள்,
விடுமுறை தினம் ஆகியவற்றை முன்கூட்டியே தெரிந்துகொள்வது ஆகச் சிறந்தது.
ஊரடங்கால் வங்கிகளில் கட்டுப்பாடு!
ஊரடங்கு அமல்படுத்தப்பட்ட பிறகு வங்கிகளின் வேலை நேரம் குறைக்கப்பட்டுள்ளன. சமூக இடைவெளியைக் கடைபிடிக்கும் நோக்கத்தில் வாடிக்கையாளர்கள் வருகையிலும் கட்டுப்பாடுகள் விதிக்கப்பட்டுள்ளது. வங்கிகளில் வரிசையில் காத்திருப்பது, இருக்கையில் அருகருகே அமருவது போன்ற கட்டுப்பாடுகள் நீடிக்கின்றன. எனவே வங்கி விடுமுறை குறித்து தெரிந்துகொள்வது தற்போதைய சூழலில் அவசியமாகிறது.
எத்தனை நாட்கள் இயங்கும், இயங்காது?
ஜூலை மாதத்தில் குறிப்பிடும்படியாக பண்டிகைகள் எதுவும் இல்லாததால் விடுமுறை நாட்கள் அதிகமாக இல்லை. சில மாநிலங்களில் மட்டும் குரு பூர்னிமா, மிசோ ஹெமிச்சி இன்சுகாம் தினம் உள்ளிட்ட பண்டிகைகள் நிமித்தமாக அந்தப் பகுதிகளில் வங்கிகளுக்கு விடுமுறை வழங்கப்படுகிறது. ஜூலை 5, 12, 19, 26 ஆகிய தினங்களில் ஞாயிற்றுக் கிழமை என்பதால் வழக்கம்போல வங்கிகள் இயங்காது. ஜூலை 11, 25 ஆகிய தேதிகளில் இரண்டாவது மற்றும் நான்காவது சனிக்கிழமைகளில் வங்கிகளுக்கு விடுமுறை. ஜூலை 31 பக்ரித் பண்டிகையை முன்னிட்டு வங்கிகளுக்கு விடுமுறை அறிவிக்கப்பட்டுள்ளது.
ஜூலை 6ஆம் தேதி மிசோரம் மாநிலத்திலும், ஜூலை 13ஆம் தேதி ஜம்மு & காஷ்மீரிலும், ஜூலை 14ஆம் தேதி திரிபுராவிலும், ஜூலை 17ஆம் தேதி மேகாலயாவிலும், ஜூலை 20ஆம் தேதி கேரளாவிலும் வங்கிகள் இயங்காது.