சேவிங்ஸ் அக்கவுண்டை ஜன் தன் அக்கவுண்டாக மாற்ற ஈசி வழி!

நாட்டிலுள்ள ஏழை, எளிய மக்களையும் வங்கிச் சேவைக்குள் கொண்டுவரும் நோக்கத்தில் 2014ஆம் ஆண்டின் ஆகஸ்ட் மாதத்தில் பிரதமர் நரேந்திர மோடியால் பிரதான் மந்திரி ஜன் தன் யோஜனா திட்டம் கொண்டுவரப்பட்டது. இதில் ஒரு லட்சம் ரூபாய்க்கான காப்பீடு, ஓய்வூதியம் உள்ளிட்ட வசதிகளோடு, மத்திய - மாநில அரசுகளின் நிதியுதவிகள் இந்த ஜன் தன் கணக்குகளில் நேரடியாகச் செலுத்தப்படுகின்றன. இத்திட்டத்தின்கீழ் விவசாயிகளுக்கு கிஷான் அட்டைகளும் வழங்கப்படுகின்றன. ஜன் தன் கணக்கின் சிறப்பம்சம் என்னவென்றால் உங்களது வங்கிக் கணக்கில் பணமே இல்லாவிட்டாலும் கூட நீங்கள் ரூ.5,000 வரையில் ஓவர் டிராஃப்ட் முறையில் பணம் எடுக்க முடியும்.

இவ்வளவு அம்சங்கள் நிறைந்த ஜன் தன் கணக்குக்கு மாறவேண்டும் என்ற பலர் நினைப்பார்கள். அல்லது புதிதாக ஜன் தன் கணக்கு திறக்கலாமா என்றும் யோசிப்பார்கள். அதற்குப் பதிலாக ஏற்கெனவே பயன்பாட்டில் உள்ள சாதாரண சேமிப்புக் கணக்கையே ஜன் தன் கணக்காக மாற்ற முடியும். 10 வயதுக்கு மேற்பட்ட எந்தவொரு குடிமகனும் ஜன் தன் கணக்கு தொடங்க முடியும். வங்கிக் கிளையில் தேவையான ஆவணங்கள், இதற்கான விண்ணப்பம் ஆகியவற்றை வழங்க ஜன் தன் கணக்கு திறக்கலாம். ஏற்கெனவே சேமிப்புக் கணக்கு இருப்பவர்கள் அதில் ரூபே கார்டுக்கு விண்ணப்பித்தாலே அந்தக் கணக்கு ஜன் தன் கணக்காக மாற்றப்பட்டுவிடும்.

அட்சய திரிதியை - தங்கம் வாங்குனா நல்லது! எப்படி வாங்குறது?
இதற்கு விண்ணப்பிக்கும்போது வங்கிக் கிளையில் ஜன் தன் கணக்குக்கு நீங்கள் மாறவிரும்புவதையும் குறிப்பிட வேண்டும். உங்களுக்கு ரூபே கார்டு வந்த மூன்று - நான்கு நாட்களிலேயே உங்களது சேமிப்புக் கணக்கு ஜன் தன் கணக்காக மாற்றப்பட்டுவிடும்.