கச்சா எண்ணெய்: தொடர்ந்து உயரும் இறக்குமதி!

சர்வதேசச் சந்தையில் கச்சா எண்ணெய்யின் விலை நிலவரத்தைப் பொறுத்தே இந்தியாவில் பெட்ரோலியப் பொருட்களின் விலை நிர்ணயிக்கப்படுகிறது. கச்சா எண்ணெய் விலை உயரும் போது இந்தியாவிலும் பெட்ரோல் - டீசல் விலை அதிகமாக உயர்த்தப்படுகிறது. இந்தியாவில் கச்சா எண்ணெய் உற்பத்தி செய்யப்பட்டாலும் அது உள்நாட்டுத் தேவையைப் பூர்த்தி செய்யப் போதுமானதாக இல்லாததால் இறக்குமதியையே அதிகமாக நம்பியிருக்கும் சூழலில் இந்தியா இருக்கிறது. இறக்குமதிக்காகவே அதிகம் செலவிடவேண்டியிருப்பதால் இறக்குமதியைக் கட்டுப்படுத்த இந்தியா முயற்சிக்கிறது. இருந்தபோதிலும் ஒவ்வொரு மாதமும் கச்சா எண்ணெய் இறக்குமதி தொடர்ந்து உயர்ந்துகொண்டே செல்கிறது.

மத்திய பெட்ரோலிய அமைச்சகத்தின் கீழ் இயங்கும் பெட்ரோலியம் திட்டமிடல் மற்றும் பகுப்பாய்வு அமைப்பு வெளியிட்டுள்ள அறிக்கையின்படி, சென்ற நவம்பர் மாதத்தில் இந்தியா மொத்தம் 19.17 மில்லியன் டன் அளவிலான கச்சா எண்ணெய்யை இறக்குமதி செய்திருக்கிறது. அதாவது சராசரியாக நாள் ஒன்றுக்கு 47 லட்சம் பேரல் கச்சா எண்ணெய் இறக்குமதி செய்யப்பட்டுள்ளது. ஏப்ரல் மாதத்துக்குப் பிறகு நவம்பர் மாதத்தில் இந்தியா அதிகளவு கச்சா எண்ணெய்யை இறக்குமதி செய்திருக்கிறது.

இதைக் கேட்டால் பொருளாதாரம் வளரும்: சர்வதேச நாணய நிதியம்!

இந்த ஆண்டில் பொருளாதார மந்தநிலை காரணமாக கச்சா எண்ணெய்க்கான தேவை இந்தியாவில் குறைவாகவே இருந்தது. இருந்தபோதிலும் அதிகளவு இறக்குமதி செய்யப்பட்டுள்ளது. இந்த ஆண்டில் டீசலுக்கான தேவை மிகக் குறைவாகவே இருந்துள்ளது. பொருளாதார மந்தநிலையால் பல்வேறு துறைகளில் உற்பத்தி குறைக்கப்பட்டுள்ள நிலையில் டீசலுக்கான தேவை குறைவாகவே இருந்தது. இந்த ஆண்டில் உள்நாட்டு டீசல் விற்பனை 0.9 சதவீதம் வரையில் மட்டுமே உயரும் என்று மதிப்பிடப்பட்டுள்ளது.

தங்கம் விலை: அடச்சே... ஒரே நாள்ல இவ்ளோ கூட்டிட்டாங்களே!!

நவம்பர் மாதத்தில் சுத்திகரிப்புப் பொருட்கள் இறக்குமதி 45.5 சதவீதம் உயர்ந்து 3.29 மில்லியன் டன்னாக இருந்துள்ளது. சமையல் எரிவாயு இறக்குமதி அதிகரித்தன் விளைவாகவே ஒட்டுமொத்த இறக்குமதி உயர்ந்துள்ளதாகக் கூறப்பட்டுள்ளது. இந்தியாவில் எலெக்ட்ரிக் வாகனப் பயன்பாடு படிப்படியாகக் கட்டாயமாக்கப்பட்டு வருவதால் பெட்ரோல் - டீசல் பயன்பாடு குறையும் எனவும், அதனால் கச்சா எண்ணெய் இறக்குமதிச் செலவுகளும் குறையும் எனவும் எதிர்பார்க்கப்படுகிறது.