மீண்டு எழுந்த பிட்காயின்... இன்றைய கிரிப்டோ மார்க்கெட்!

உலகின் மிகவும் பிரபலமான கிரிப்டோ கரன்சியான பிட்காயின் இன்று 2.87 சதவீதம் வளர்ச்சி கண்டுள்ளது. காலை 11.15 நிலவரப்படி பிட்காயின் மதிப்பு 48,261 டாலராக இருந்தது. கடந்த சில மாதங்களில் கிரிப்டோ கரன்சி சந்தையில் பிட்காயின் மதிப்பு 39,000 டாலருக்குக் கீழ் குறைந்து அதிர்ச்சியளித்தது. அதன் பின்னர் வளர்ச்சி ஏற்பட்டு, தற்போது 48,000 டாலரைத் தாண்டியுள்ளது. இன்றைய வர்த்தகத்தில் கிட்டத்தட்ட அனைத்து நாணயங்களின் மதிப்பு உயர்ந்துள்ளது.

பிட்காயின் - 48,261.42 டாலர்.

நேற்றைய நாளுடன் ஒப்பிடும்போது அனைத்து நாணயங்களின் மதிப்பும் உயர்ந்துள்ள நிலையில், கடந்த ஏழு நாட்களுக்கான ஒப்பீட்டிலும் வளர்ச்சி ஏற்பட்டுள்ளது. எதர், டோஜ்காயின், லைட் காயின், எக்ஸ்.ஆர்.பி உள்ளிட்ட நாணயங்களின் மதிப்பு கிட்டத்தட்ட 7 சதவீதம் வரையில் வளர்ச்சியைச் சந்தித்துள்ளன. அதிகபட்சமாக எதர் நாணயத்தின் 6.94 சதவீத வளர்ச்சியைப் பதிவுசெய்துள்ளது.

பிட்காயின் பியர் - டு - பியர் எக்சேஞ்ச் என்றால் என்ன?
கிரிப்டோ கரன்சி விலை உயர்வை எதிர்பார்த்துக் கொண்டிருந்த முதலீட்டாளர்களுக்கு கடந்த ஒரு வாரத்தில் நல்ல முன்னேற்றம் ஏற்பட்டுள்ளது. அடுத்து வரும் நாட்களிலும் மதிப்பு அதிகரிக்கும் என்று எதிர்பார்க்கப்படுகிறது.

கிரிப்டோ கரன்சி மதிப்பு:

பிட்காயின் - $ 48,261.42
எதர் - $ 3,628.89
டோஜ்காயின் - $ 0.245611
லைட் காயின் - $ 190.07
கார்டனோ - $ 2.47
எக்ஸ்.ஆர்.பி. - $ 1.12