என்ன சார் அநியாயமா இருக்கு.. மிகப்பெரிய பீர் பற்றாக்குறையால் குடிமகன்கள் கவலை!

Delhi Beer Shortage: கோடைக்காலம் தொடங்கிவிட்ட சூழலில் தலைநகர் டெல்லியில் பீட் பற்றாக்குறை ஏற்பட்டுள்ளதால் குடிமகன்கள் ஏமாற்றம் அடைந்துள்ளனர்.

கோடைக்காலம் தொடங்கிவிட்ட சூழலில் பீருக்கு டிமாண்ட் அதிகரிப்பது இயல்புதான். ஆனால், பெயர் தெரியாத பிராண்டில் வாங்கும் அளவுக்கு கடுமையான பீர் பற்றாக்குறையை சந்தித்து வருவதாக டெல்லி குடிமகன்கள் வேதனை தெரிவிக்கின்றனர்.

இதுமட்டுமல்லாமல், கோடைக்காலம் என்று கூட கருணை காட்டாமல், ஜில் பீர் இல்லாமல் சாதாரணமாக பீர் விற்பனை செய்யப்படுவதாகவும் டெல்லி குடிமகன்கள் கவலையில் தள்ளப்பட்டுள்ளனர்.

கோடைக்காலத்தில் தங்களது விருப்பமான பிராண்டுகளில் பீர் வாங்க முடியவில்லை. இதுவரை அறிந்திடாத பிராண்டுகளில் பீர் விற்பனை. அதுவும் ஜில் என இல்லாமல் சாதாரண வெப்பநிலையில் இருப்பதால் கோடைக்காலம் கொடுமைக்காலம் ஆகிவிட்டது என மதுப்பிரியர்கள் உச்சபட்ச சோகத்தில் இருக்கின்றனர்.

தொடர் புகார்களை தொடர்ந்து புதிய ஃப்ரிட்ஜ் மற்றும் கூலர்களை வாங்குவதற்கு டெல்லி அதிகாரிகள் ஆர்டர் கொடுத்துள்ளனர். பீர் பற்றாக்குறைக்கு முக்கிய காரணம் பீர் விநியோகத்திற்கு மற்ற மாநிலங்களை டெல்லி சார்ந்திருப்பதுதான்.

டெல்லியில் பீர் உற்பத்தி மிகவும் குறைவு. மற்ற மாநிலங்களில் இருந்தே டெல்லிக்கு பீர் விநியோகம் செய்யப்படுகிறது. கோடைக்காலத்தில் மற்ற மாநிலங்கள் தங்களின் சொந்த தேவையை பூர்த்தி செய்ய அதிக கவனம் செலுத்துகின்றன.

இதனால் டெல்லிக்கு பீர் விநியோகம் கோடைக்காலத்தில் பெரியளவில் குறைந்துவிடுகிறது. இதனால், அறியப்படாத பிராண்டுகளில் குளிர்விக்கப்படாத பீர்களை வாங்கி குடிக்க வேண்டிய நிலைக்கு மதுப்பிரியர்கள் தள்ளப்பட்டுள்ளனர்.