ஏடிஎம் கார்டு தொலைந்துவிட்டதா? உடனே இதைப் பண்ணுங்க!

நம் அனைவரிடமுமே வங்கிக் கணக்கும் அதற்கு ஏடிஎம் கார்டும் இருக்கும். அந்த ஏடிஎம் கார்டு தொலைந்துவிட்டால் என்ன செய்வது? அதிலுள்ள பணத்தை யாராவது எடுத்துவிடுவார்களா என்ற பயம் இருக்கும். உண்மையில் அதற்கு நீங்கள் பயப்படத் தேவையில்லை. கார்டு தொலைந்துவிட்டால் உடனே அதை ஆன்லைன் மூலமாக பிளாக் செய்துவிடலாம். ஸ்டேட் பேங்க் ஆஃப் இந்தியா வங்கி தனது வாடிக்கையாளர்களுக்கு இதற்கான வசதியை வழங்குகிறது. மற்ற வங்கிகளிலும் இந்த வசதி உள்ளது.

www.onlinesbi.com என்ற வெப்சைட்டில் உங்களது யூசர் நேம், பாஸ்வர்டு கொடுத்து உள்நுழையவும்.

உள்ளே சென்றதும் e-Services - ATM Card Services என்ற வசதியின் கீழ் Block ATM Card என்பதைத் தேர்ந்தெடுக்கவும்.

உங்களுக்கு பல்வேறு கணக்குகள் இருந்தால் நீங்கள் பிளாக் செய்ய வேண்டிய ஏடிஎம் கார்டின் கணக்கை இப்போது தேர்ந்தெடுக்க வேண்டும்.

ஆக்டிவாக இருக்கும் ஏடிஎம் கார்டுகளுன் விவரம் அதில் தெரியும். கார்டின் முதல் நான்கு இலக்கம் மற்றும் கடைசி நான்கு இலக்கம் மட்டுமே காண்பிக்கப்படும்.

சரியான கார்டை தேர்வு செய்து Submit கொடுத்தால் மொபைல் நம்பருக்கு ஓடிபி நம்பர் வரும்.

அதைப் பதிவிட்டு Confirm கொடுக்க வேண்டும். உடனடியாக அதற்கான மெசேஜ் உங்களுக்கு வரும். ரெஃபரன்ஸ் நம்பரும் வழங்கப்படும்.