வருமான வரிகளை அதிரடியாக குறைத்தார் அமெரிக்க அதிபர் டிரம்ப்!!

அமெரிக்க அதிபர் டொனால்டு டிரம்ப் தனி நபர் வருமான வரி உள்பட பல்வேறு வரிகளை குறைத்து இருப்பதன் மூலம் அந்த நாட்டின் பொருளாதாராம் பெரிய வளர்ச்சியைப் பெறும் என்ற எதிர்பார்ப்பை ஏற்படுத்தியுள்ளது.

தற்போதைய இந்த மாற்றங்களின் மூலம் பற்றாக்குறை பட்ஜெட்டுக்கு சிறிதளவு உதவும் என்றே எதிர்பார்க்கப்படுகிறது. தற்போது உள்ள 7 வருமான வரி விகிதங்களை டிரம்ப் 3ஆக குறைத்துள்ளார். இதன் மூலம் முதல் பிரிவில் இருக்கும் 39.6 சதவீத வரி 35 சதவீதமாக குறைக்கப்படுகிறது. இதேபோல் கார்பரேட் நிறுவனங்களின் வரி 35 சதவீதத்தில் இருந்து 15 சதவீதமாக குறைக்கப்பட்டுள்ளது. டிரம்பின் இந்த செயல் பல நிறுவனங்களுக்கு உதவியாக இருக்கும் என்று கருதப்படுகிறது. சில நிறுவனங்கள் முழு வரியில் இருந்து விலக்கு பெறுகிறது. தற்போது பெரும்பாலான நிறுவனங்கள் 20 சதவீத வரியைத்தான் செலுத்தி வருகின்றன.

புதிய வரி விகிதம் 10%, 25%, 35% சதவீதமாக இருக்கும். ஆனால், இந்த வரி விகிதங்கள் எந்தளவிற்கு உதவும் என்று டிரம்பின் பொருளாதார ஆலோசகர் கேரி கோஹன், கருவூல செயலாளர் ஸ்டீவன் முச்சின் எந்தக் கருத்தையும் தெரிவிக்கவில்லை.

அமெரிக்காவில் கடந்த 2009ல் நடந்த மிகப் பெரிய பொருளாதார சரிவுக்குப் பின்னர் பொருளாதாரம் 2 சதவீத வளர்ச்சியை மட்டுமே பெற்றுள்ளது. 3 சதவீத வளர்ச்சிக்கு அமெரிக்கா இலக்கு நிர்ணயித்து இருந்தது. ஆனாலும், கடந்த 2005ஆம் ஆண்டுக்குப் பின்னர் அமெரிக்காவால் அந்த வளர்ச்சியைப் பெற முடியவில்லை.

இந்த வருமான வரி விதிப்பின் மூலம் முறைகேடுகள் நீக்கப்பட்டு, முறையான வரி செலுத்துவதன் மூலம், வரி மீதான வருவாய் அதிகரிக்கும் என்று அமெரிக்க பொருளாதார நிபுணர்கள் கருத்து தெரிவித்து வருகின்றனர்.

Donald Trump Announces 'One of The Biggest Tax Cuts in US History'