பணத்தைக் கொட்டும் போஸ்ட் ஆபீஸ் திட்டங்கள்.. போய் அள்ளிட்டு வாங்க!!

கொரோனா பிரச்சினை வந்தபிறகு நிறையப் பேர் சேமிப்பு மற்றும் முதலீட்டில் அதிகக் கவனம் செலுத்தத் தொடங்கியுள்ளனர். நீங்களும் பாதுகாப்பான முதலீட்டுக்கு திட்டமிட்டிருந்தால், சில வருடங்களில் உங்கள் பணத்தை இரட்டிப்பாக சில திட்டங்கள் உள்ளன.

தபால் அலுவலக திட்டங்கள் உங்கள் பணத்தை பாதுகாப்பாக வைப்பதோடு, விரைவில் உங்கள் பணம் இரட்டிப்பாகும். எந்தெந்த திட்டத்தில் எவ்வளவு லாபம் கிடைக்கும் என்பதை இங்கே பார்க்கலாம்.

தேசிய சேமிப்பு சான்றிதழ்!

தற்போது தேசிய சேமிப்புச் சான்றிதழில் (NSC) 6.8 சதவீத வட்டி வழங்கப்படுகிறது. இது 5 வருட சேமிப்பு திட்டமாகும். இதில் முதலீடு செய்வதன் மூலம் வருமான வரியையும் சேமிக்க முடியும். இந்த வட்டி விகிதத்தில் பணத்தை முதலீடு செய்தால் 10 ஆண்டுகளில் பணம் இரட்டிப்பாகிவிடும்.

சுகன்யா சம்ரிதி யோஜனா!

தபால் அலுவலகத்தின் சுகன்யா சம்ரிதி யோஜனா திட்டமானது தற்போது அதிகபட்சமாக 7.6 சதவீத வட்டி விகிதத்தை வழங்குகிறது. பெண்களுக்காக நடத்தப்படும் இந்தத் திட்டத்தில் பணத்தை இரட்டிப்பாக்க சுமார் 9.47 ஆண்டுகள் ஆகும்.

மூத்த குடிமக்கள் சேமிப்புத் திட்டம்!

தபால் அலுவலக மூத்த குடிமக்கள் சேமிப்பு திட்டத்திற்கு (SCSS) தற்போது 7.4 சதவீத வட்டி கிடைக்கிறது. இந்தத் திட்டத்தில் உங்கள் பணம் சுமார் 9.73 ஆண்டுகளில் இரட்டிப்பாகும்.

பொது வருங்கால வைப்பு நிதி!

தபால் அலுவலகத்தின் 15 ஆண்டு கால பொது வருங்கால வைப்பு நிதி திட்டத்துக்கு (PPF) தற்போது 7.1 சதவீத வட்டி வழங்கப்படுகிறது. இந்த விகிதத்தில் உங்கள் பணத்தை இரட்டிப்பாக்க சுமார் 10.14 ஆண்டுகள் ஆகும்.

மாதாந்திர வருமானத் திட்டம்!

தபால் அலுவலக மாதாந்திர வருமானத் திட்டம் (MIS) தற்போது 6.6 சதவீத வட்டியைப் பெற்றுத் தருகிறது. இந்த வட்டி விகிதத்தில் பணத்தை முதலீடு செய்தால், அது சுமார் 10.91 ஆண்டுகளில் இரட்டிப்பாகிவிடும்.

தபால் அலுவலக சேமிப்பு கணக்கு!

உங்கள் பணத்தை தபால் நிலைய சேமிப்புக் கணக்கில் சேமித்தால், பணம் இரட்டிப்பாகும் வரை நீண்ட நேரம் காத்திருக்க வேண்டியிருக்கும். ஏனெனில் அதற்கு 4.0 சதவீத வட்டி மட்டுமே கிடைக்கும். மொத்தம் 18 ஆண்டுகளில் உங்கள் பணம் இரட்டிப்பாகும்.