கடும் பனிப்பொழிவு காரணமாக மல்லிகைப் பூக்களின் வரத்து குறைந்துள்ளதால் இன்று சத்தியமங்கலம் பூ மார்க்கெட்டில் மல்லிகை பூ ஒரு கிலோ 1610 ரூபாய்க்கு விற்பனையானது. இதனால் விவசாயிகள் மகிழ்ச்சி அடைந்துள்ளனர்.
பூ மார்க்கெட்டுக்கு கொண்டுவந்த பிறகு அவற்றுக்கு விலை நிர்ணயம் செய்யப்பட்டு ஈரோடு, கோவை, திருப்பூர் உள்ளிட்ட மாவட்டங்களுக்கும் அண்டை மாநிலங்களான கர்நாடகா, கேரளா உள்ளிட்ட மாநிலங்களுக்கும் அனுப்பப்படும். இதுமட்டுமல்லாமல் விமானம் மூலம் வெளிநாடுகளுக்கும் பூக்கள் அனுப்பி வைக்கப்படுகின்றன.
இந்நிலையில் சத்தியமங்கலம் பூ மார்க்கெட்டில் கடந்த சில நாட்களாக ஒரு கிலோ மல்லிகை பூ 500 ரூபாய் முதல் 700 ரூபாய் வரை விற்பனையாகி வந்த நிலையில் தற்போது சத்தியமங்கலம் சுற்றுவட்டார பகுதிகளில் கடந்த சில நாட்களாக அதிகாலை கடும் பனிப்பொழிவு நிலவுவதால் மல்லிகை பூக்களின் வரத்து குறைந்துள்ளது.
மேலும் அண்டை மாநிலங்களான கர்நாடகா, கேரளா ஆகிய பகுதிகளில் சுப முகூர்த்த தினம் என்பதால் திருமணம் உள்ளிட்ட நிகழ்ச்சிகளுக்காக பூக்களின் தேவை திடீரென்று அதிகரித்துள்ளது. இதனால் மல்லிகை பூக்களின் விலை உயர்ந்துள்ளது. இன்று சத்தியமங்கலம் பூ மார்க்கெட்டில் ஒரு கிலோ மல்லிகை பூ 1610 ரூபாய்க்கு விற்பனையானது. இதனால் விவசாயிகள் மகிழ்ச்சி அடைந்தனர்.
சத்தியமங்கலம் மலர் உற்பத்தியாளர்கள் சங்கத்தின் மூலம் இயங்கும் பூ மார்க்கெட்டில் இன்றைய விலை நிலவரம் என்ன என்று இங்கே பார்க்கலாம்...
கிலோ ஒன்றுக்கு மல்லிகை பூ 1050 ரூபாய் முதல் 1610 ரூபாய் வரை விற்பனையாகிறது. அதேபோல, முல்லை பூ 800 ரூபாய் முதல் 880 ரூபாய்க்கும், காக்கடா 500 ரூபாய் முதல் 925 ரூபாய்க்கும், செண்டு மல்லி 15 ரூபாய் முதல் 54 ரூபாய்க்கும், கோழி கொண்டை 20 ரூபாய் முதல் 85 ரூபாய்க்கும், ஜாதி முல்லை 750 ரூபாய்க்கும், கனகாம்பரம் 1200 ரூபாய்க்கும், சம்பங்கி 100 ரூபாய்க்கும், அரளி 320 ரூபாய்க்கும், துளசி 40 ரூபாய்க்கும், செவ்வந்தி 140 ரூபாய்க்கும் விற்பனையானது.
அனைத்து பூக்களின் விலையும் கணிசமாக உயர்ந்துள்ளதால் விவசாயிகள் மகிழ்ச்சி அடைந்தனர். அடுத்து வரும் நாட்களிலும் பூக்களின் விலை கடுமையாக அதிகரிக்கும் என்று எதிர்பார்க்கப்படுகிறது. ஏனெனில், சபரிமலை சீசன் என்பதால் பூக்களுக்கான தேவை இக்காலத்தில் வழக்கமாக அதிகமாகவே இருக்கும். அதற்கேற்ப விலையும் கடுமையாக உயரும். இது விவசாயிகளுக்கு மகிழ்ச்சியைத் தந்தாலும் பொதுமக்களுக்கு சற்று நெருக்கடியை ஏற்படுத்தும்.
பூ மார்க்கெட்டுக்கு கொண்டுவந்த பிறகு அவற்றுக்கு விலை நிர்ணயம் செய்யப்பட்டு ஈரோடு, கோவை, திருப்பூர் உள்ளிட்ட மாவட்டங்களுக்கும் அண்டை மாநிலங்களான கர்நாடகா, கேரளா உள்ளிட்ட மாநிலங்களுக்கும் அனுப்பப்படும். இதுமட்டுமல்லாமல் விமானம் மூலம் வெளிநாடுகளுக்கும் பூக்கள் அனுப்பி வைக்கப்படுகின்றன.
இந்நிலையில் சத்தியமங்கலம் பூ மார்க்கெட்டில் கடந்த சில நாட்களாக ஒரு கிலோ மல்லிகை பூ 500 ரூபாய் முதல் 700 ரூபாய் வரை விற்பனையாகி வந்த நிலையில் தற்போது சத்தியமங்கலம் சுற்றுவட்டார பகுதிகளில் கடந்த சில நாட்களாக அதிகாலை கடும் பனிப்பொழிவு நிலவுவதால் மல்லிகை பூக்களின் வரத்து குறைந்துள்ளது.
மேலும் அண்டை மாநிலங்களான கர்நாடகா, கேரளா ஆகிய பகுதிகளில் சுப முகூர்த்த தினம் என்பதால் திருமணம் உள்ளிட்ட நிகழ்ச்சிகளுக்காக பூக்களின் தேவை திடீரென்று அதிகரித்துள்ளது. இதனால் மல்லிகை பூக்களின் விலை உயர்ந்துள்ளது. இன்று சத்தியமங்கலம் பூ மார்க்கெட்டில் ஒரு கிலோ மல்லிகை பூ 1610 ரூபாய்க்கு விற்பனையானது. இதனால் விவசாயிகள் மகிழ்ச்சி அடைந்தனர்.
சத்தியமங்கலம் மலர் உற்பத்தியாளர்கள் சங்கத்தின் மூலம் இயங்கும் பூ மார்க்கெட்டில் இன்றைய விலை நிலவரம் என்ன என்று இங்கே பார்க்கலாம்...
கிலோ ஒன்றுக்கு மல்லிகை பூ 1050 ரூபாய் முதல் 1610 ரூபாய் வரை விற்பனையாகிறது. அதேபோல, முல்லை பூ 800 ரூபாய் முதல் 880 ரூபாய்க்கும், காக்கடா 500 ரூபாய் முதல் 925 ரூபாய்க்கும், செண்டு மல்லி 15 ரூபாய் முதல் 54 ரூபாய்க்கும், கோழி கொண்டை 20 ரூபாய் முதல் 85 ரூபாய்க்கும், ஜாதி முல்லை 750 ரூபாய்க்கும், கனகாம்பரம் 1200 ரூபாய்க்கும், சம்பங்கி 100 ரூபாய்க்கும், அரளி 320 ரூபாய்க்கும், துளசி 40 ரூபாய்க்கும், செவ்வந்தி 140 ரூபாய்க்கும் விற்பனையானது.
அனைத்து பூக்களின் விலையும் கணிசமாக உயர்ந்துள்ளதால் விவசாயிகள் மகிழ்ச்சி அடைந்தனர். அடுத்து வரும் நாட்களிலும் பூக்களின் விலை கடுமையாக அதிகரிக்கும் என்று எதிர்பார்க்கப்படுகிறது. ஏனெனில், சபரிமலை சீசன் என்பதால் பூக்களுக்கான தேவை இக்காலத்தில் வழக்கமாக அதிகமாகவே இருக்கும். அதற்கேற்ப விலையும் கடுமையாக உயரும். இது விவசாயிகளுக்கு மகிழ்ச்சியைத் தந்தாலும் பொதுமக்களுக்கு சற்று நெருக்கடியை ஏற்படுத்தும்.