ஏடிஎம் மெஷின் தொழில்.. லட்ச லட்சமாய் சம்பாதிக்கலாம்!

இந்தியாவின் மிகப் பெரிய பொதுத் துறை வங்கியான ஸ்டேட் பேங்க் ஆஃப் இந்தியா, பணம் சம்பாதிக்க விரும்புவோருக்கு ஒரு சிறந்த வாய்ப்பை வழங்குகிறது. ஸ்டேட் பேங்க் ஆஃப் இந்தியா வங்கியின் ஏடிஎம் மெஷினை அமைப்பதன் மூலம் நீங்கள் நிறைய சம்பாதிக்கலாம். இதற்கான முதலீடு குறைவுதான். ஸ்டேட் பேங்க் ஆஃப் இந்தியா வங்கியின் ஏடிஎம்கள் வங்கி தரப்பிலிருந்து நிறுவப்படுவதில்லை. அதற்கு பிரத்தியேகமாக நிறுவனங்கள் உள்ளன.

ஸ்டேட் பேங்க் ஆஃப் இந்தியா வங்கியின் ஏடிஎம்களை தற்போது Tata Indicash, Muthoot ATM மற்றும் India One ATM உள்ளிட்ட நிறுவனங்கள் நிறுவுகின்றன. இவற்றின் வெப்சைட்டிலேயே நீங்கள் ஆன்லைன் மூலமாக விண்ணப்பிக்கலாம்.

Tata Indicash – www.indicash.co.in

Muthoot ATM – www.muthootatm.com/suggest-atm.html

India One ATM – india1atm.in/rent-your-space

மேற்கூறிய மூன்று நிறுவனங்களுக்கும் அந்தந்த வெப்சைட் மூலம் நீங்கள் விண்ணப்பிக்கலாம்.

இந்தத் தொழிலைச் செய்வதற்கு உங்களிடம் 50 முதல் 80 சதுர அடி இடம் இருக்க வேண்டும். அதில்தான் ஏடிஎம் மெஷினை நிறுவமுடியும். நீங்கள் அமைக்கும் ஏடிஎம் மற்ற ஏடிஎம்களை விட 100 மீட்டர் இடைவெளியில் இருக்க வேண்டும்.

வங்கி கணக்கு வைத்திருப்போருக்கு எச்சரிக்கை! இதை செய்யாவிட்டால் பணம் கிடைக்காது!

தரைத்தளத்தில் ஏடிஎம் இருந்தால் வசதியாக இருக்கும். 24 மணி நேரமும் மின்சார வசதி இருக்க வேண்டும். ஒரு நாளைக்கு குறைந்தது 300 பரிவர்த்தனைகள் செய்யும் அளவுக்கு ஏடிஎம் மெஷின் அமைக்கப்பட வேண்டும். மேற்கூரை கான்கிரீட்டாக இருக்க வேண்டும். இந்த ஏடிஎம் மையத்தை அமைப்பதற்கு சான்றிதழ் பெற வேண்டும்.

ஆதார் கார்டு, பான் கார்டு, வாக்காளர் அடையாள அட்டை, முகவரிச் சான்று, ரேஷன் அட்டை, கரண்ட் பில், வங்கிக் கணக்கு புத்தகம் போன்ற ஆவணங்கள் தேவைப்படும். ஜிஎஸ்டி நம்பர் தேவை.

இந்த ஏடிஎம் மையத்தை அமைப்பதற்கு நீங்கள் முன்பணமாக ரூ.2 லட்சம் செலுத்த வேண்டும். இது கடைசியில் ரீஃபண்ட் செய்யப்படும். இதுமட்டுமல்லாமல் மூலதன முதலீடாக ரூ.3 லட்சம் செலுத்த வேண்டும்.

இந்தத் தொழிலில், பணப் பரிவர்த்தனை ஒன்றுக்கு 8 ரூபாய் உங்களுக்கு கிடைக்கும். பணமில்லா பரிவர்த்தனைகளுக்கு ரூ.2 வழங்கப்படும். இந்தத் தொழிலில் நீங்கள் ரூ.5 லட்சம் முதலீடு செய்தால் ஒரு வருடத்தில் 33 முதல் 50 சதவீதம் வரையில் ரிட்டன் கிடைக்கும். மாதத்துக்கு 45,000 ரூபாய் வரை சம்பாதிக்கலாம்.