வீட்டு அட்ரஸ் மாத்திட்டீங்களா? ஈசியா அப்டேட் பண்ணலாம்!

ஆதார் கார்டு என்பது தனிமனிதனின் மிக முக்கியமான அடையாள ஆவணமாகும். ஆதார் கார்டு இல்லாமல் அரசின் நலத்திட்ட உதவிகளையும் பெறமுடியாது. இந்தியர்கள் அனைவருக்குமே ஆதார் மிகவும் கட்டாயமான ஒன்று. அப்படிப்பட்ட ஆதார் கார்டில் உள்ள விவரங்கள் அனைத்துமே சரியானதாக இருக்க வேண்டும். அதில் ஏதேனும் திருத்தம் இருந்தாலும் அதை உடனடியாக செய்துமுடிக்க வேண்டும்.

சிலர் தங்களது முகவரியை மாற்றி வேறு இடத்துக்குச் சென்றுவிடுவார்கள். திருமணம், வேலை மாற்றம் போன்ற பல்வேறு காரணங்களுக்காக முகவரியை மாற்ற வேண்டியிருக்கும். அப்படி முகவரியை ஆதார் கார்டில் அப்டேட் செய்வதற்கு என்ன செய்வீர்கள்? அது எளிதான காரியம்தான். இதற்கு எங்கும் அலையத் தேவையில்லை. வீட்டில் இருந்தபடியே ஆன்லைன் மூலமாக வேலையை முடிக்கலாம்.

ஆதார் அமைப்பின் அதிகாரப்பூர்வ இணையப் பக்கத்தில் செல்ல வேண்டும்.

http://uidai.gov.in/.

உள்ளே சென்றவுடன் 'My Aadhaar' என்ற வசதியை கிளிக் செய்ய வேண்டும். புதிய பக்கம் ஒன்று ஓப்பன் ஆகும். அதில் 'Update Demographics Data Online' என்பதை கிளிக் செய்யவும்.

அதன் பிறகு ’Proceed to Update Aadhaar' என்பதை கிளிக் செய்து உங்களுடைய ஆதார் நம்பர், கேப்ட்சா குறியீடு ஆகியவற்றைப் பதிவிட வேண்டும்.

மொபைல் நம்பருக்கு ஓடிபி வரும். அதைப் பதிவிட்டு, முகவரி விவரங்களை அப்டேட் செய்ய வேண்டும்.

முகவரி மாற்றத்துக்குத் தேவையான ஆவணங்களை அப்லோடு செய்து ‘Submit' கொடுத்தால் புதிய முகவரி அப்டேட் ஆகிவிடும்.