PF பணம் எவ்ளோ இருக்கு? செக் பண்றது ரெம்ப ஈசி!

தற்போது கொரோனா இரண்டாம் அலை காரணமாக நிறையப் பேருக்குக் கடுமையான நிதி நெருக்கடி ஏற்பட்டுள்ளது. இதனால் PF உறுப்பினர்கள் தங்களது சேமிப்புத் தொகையை சில நிபந்தனைகளின் கீழ் எடுத்துக்கொள்ள அனுமதி வழங்கப்பட்டுள்ளது. இதனால் நிறையப் பேர் தங்களது பிஎஃப் பணத்தை எடுத்து வருகின்றனர். பிஎஃப் பணத்தை எடுப்பதற்கு முன்பாக, தங்களது பிஎஃப் கணக்கில் எவ்வளவு பணம் உள்ளது என்று தெரிந்துகொள்ள நினைப்பார்கள்.

பிஎஃப் கணக்கில் எவ்வளவு பேலன்ஸ் உள்ளது என்று தெரிந்துகொள்வதற்கு எங்கும் அலையத் தேவையில்லை. ஆன்லைனிலும் முயற்சிக்கத் தேவையில்லை. சாதாரண எஸ்.எம்.எஸ். போதும். பிஎஃப் எண்ணுடன் பதிவுசெய்யப்பட்ட மொபைல் நம்பர் மூலமாக ஈசியாக பேலன்ஸ் பார்க்கலாம். அந்த மொபைல் எண்ணிலிருந்து 7738299899 என்ற எண்ணுக்கு எஸ்.எம்.எஸ். அனுப்ப வேண்டும்.

ஆதார் கார்டு தொலைஞ்சிருச்சா? புது கார்டு வீடு தேடி வரும்!
EPFOHO UAN LAN என்று எஸ்.எம்.எஸ். அனுப்ப வேண்டும். இதில் LAN என்பது நாம் தேர்ந்தெடுக்கும் மொழியின் முதல் மூன்று எழுத்துகள் ஆகும். உதாரணமாக, தமிழில் பெற வேண்டுமென்றால், EPFOHO UAN TAM என்று அனுப்ப வேண்டும். இந்த வசதி தமிழ், ஆங்கிலம், இந்தி, பஞ்சாபி, குஜராத்தி, மராத்தி, கன்னடா, மலையாளம், தெலுங்கு, பெங்காலி உள்ளிட்ட 10 மொழிகளில் கிடைக்கிறது. எஸ்.எம்.எஸ். அனுப்பியவுடனேயே பதிவுசெய்யப்பட்ட வாடிக்கையாளரின் மொபைல் எண்ணுக்கு பிஎஃப் பேலன்ஸ், கடைசி டெபாசிட் தொகை உள்ளிட்ட விவரங்கள் வந்து சேரும்.