ஆப்நகரம்

ஆதாரில் அட்ரஸ் மாற்றம்... வீட்டிலிருந்தே வேலையை முடிக்கலாம்!

ஆன்லைன் மூலமாக ஆதார் கார்டில் முகவரியை அப்டேட் செய்வது எப்படி என்று இங்கே தெரிந்துகொள்ளுங்கள்...

Samayam Tamil 13 Nov 2021, 3:31 pm
இந்தியாவில் உள்ள அனைவருக்குமே ஆதார் கார்டு கட்டாயமாகும். ஆதார் இல்லாமல் அரசின் நலத்திட்ட உதவிகளைப் பெறமுடியாது. பிறப்பு முதல் இறப்புச் சான்றிதழ் பெறுவது வரை அனைத்து விஷயங்களுக்கும் ஆதார் இப்போது அவசியமாகிவிட்டது. வங்கிக் கணக்கு, சிம் கார்டு, பிஎஃப் கணக்கு, பான் கார்டு உள்ளிட்ட அனைத்திலும் ஆதாரை இணைப்பது கட்டாயமாகும். ஆதார் கார்டு என்பது தனிநபரின் மிக முக்கியமான அடையாள ஆவணமாக உள்ளது. கொரோனா தடுப்பூசி போடுவதற்குக் கூட ஆதார் தேவை.
Samayam Tamil aadhaar card


அப்படிப்பட்ட மிக முக்கியமான அடையாள ஆவணமாக உள்ள ஆதார் கார்டில் ஏதேனும் திருத்தம் செய்ய வேண்டியிருந்தால் என்ன செய்வீர்கள்?

குறிப்பாக, நிறையப் பேர் தங்களது முகவரியை மாற்றுவார்கள். அதை ஆதார் கார்டில் அப்டேட் செய்ய வேண்டியிருக்கும். ஆதார் கார்டில் ஏதேனும் திருத்தம் செய்வதற்கு நீங்கள் எங்கும் அலையத் தேவையில்லை. தாலுகா ஆபோஸ் செல்லத் தேவையில்லை. பொதுச் சேவை மையத்துக்கும் போகவேண்டியதில்லை. செலவு செய்யவும் அவசியம் இல்லை. நீங்களே அதைச் செய்யலாம். அதுவும் வீட்டில் அமர்ந்தபடியே...

உங்களது மொபைல் போன் அல்லது கம்ப்யூட்டரில் கூகுள் குரோம் அல்லது வேறு ஏதேனும் பிரவுசரில் https://uidai.gov.in/. என்ற வெப்சைட்டை ஓப்பன் செய்யவும்.

இந்த வெப்சைட்டின் முகப்புப் பக்கத்தின் மேல் பக்கத்தில் 'My Aadhaar' என்ற ஆப்சன் இருக்கும். அதில் சென்று 'Update Aadhaar section' என்ற பிரிவின் உள்ள 'Update Demographics Data Online' என்ற வசதியைத் தேர்ந்தெடுக்கவும்.

உங்களுடைய ஆதார் விவரங்கை அப்டேட் செய்வதற்கு 'Proceed to Update Aadhaar' கொடுக்க வேண்டும்.

அதில் உங்களுடைய ஆதார் நம்பர் மற்றும் கேப்ட்சா குறியீட்டைப் பதிவிட வேண்டும். தேவையான விவரங்களைப் பதிவிட்டவுடன் 'Send OTP' பட்டனை கிளிக் செய்ய வேண்டும்.

உங்களுடைய பதிவுசெய்யப்பட்ட மொபைல் நம்பருக்கு 6 இலக்க ஓடிபி நம்பர் வரும். அதைப் பதிவிட்டு முகவரியை அப்டேட் செய்து பின்னர் ‘proceed' கொடுக்க வேண்டும்.

உங்களுடைய முகவரி மாறியதற்கான ஆவணத்தின் ஸ்கேன் காப்பியை நீங்கள் பதிவேற்றம் செய்ய வேண்டியிருக்கும்.

இப்போது உங்களுக்கு ரெஃபரன்ஸ் நம்பர் ஒன்று அனுப்பப்படும். அதை வைத்து உங்களது கோரிக்கை நிலையைச் சரிபார்க்கலாம்.

அடுத்த செய்தி

டிரெண்டிங்