ஏடிஎம் கார்டே இல்லாமல் பணம் எடுக்கலாம்.. ஈசி வழி இதோ!

நம் அனைவரிடமுமே வங்கிக் கணக்கு இருக்கும். சிலர் ஒன்றுக்கும் மேற்பட்ட வங்கிக் கணக்கு கூட வைத்திருப்பார்கள். வங்கிக் கணக்கில் இருக்கும் பணத்தை எடுக்க ஏடிஎம் கார்டு வைத்திருப்போம். அதை வைத்து அருகில் உள்ள ஏடிஎம் எந்திரத்தில் மிகச் சுலபமாகப் பணம் எடுக்கலாம். ஆனால் ஏடிஎம் கார்டு கையில் இல்லாவிட்டால் என்ன செய்வீர்கள்?

சிலர் அவசர அவசரமாக பணம் எடுப்பதற்கு ஏடிஎம் மையத்துச் சென்றுவிடுவார்கள். அங்கு போய் பார்த்தால்தான் தெரியும், கார்டை வீட்டிலேயே வைத்துவிட்டு வந்துவிட்டோம் என்று. இதுபோன்ற சந்தர்ப்பங்களில் நிறையப் பேர் சிக்கியிருப்பார்கள். உண்மையில் ஏடிஎம் மெஷினில் பணம் எடுப்பதற்கு கார்டே தேவையில்லை. முன்னணி வங்கிகளில் கார்டு இல்லாமல் பணம் எடுக்கும் வசதி வந்துவிட்டது.

HDFC பேங்க் வாடிக்கையாளர்கள் கார்டு இல்லாமல் ஏடிஎம் மெஷினில் பணம் எடுப்பதற்கு முதலில் அந்த வங்கியின் நெட் பேங்கிங் வசதியில் செல்ல வேண்டும்.

உள்ளே சென்றதும் funds transfer டேபில் சென்று Cardless Cash Withdrawal என்ற ஆப்சனை தேர்வு செய்ய வேண்டும்.

அதில் Add a Beneficiary என்பதை கிளிக் செய்து யார் பணத்தை எடுக்கப் போகிறாரோ அவருடைய பெயர், மொபைல் நம்பர், பான் கார்டு / வாக்காளர் அடையாள அட்டை எண் அல்லது ஆதார் நம்பரைக் கொடுத்து பதிவு செய்ய வேண்டும்.

உங்களுடைய மொபைல் நம்பருக்கு வரும் ஓடிபி நம்பரைப் பதிவிட வேண்டியிருக்கும்.

அவரது பெயரை இணைத்த 30 நிமிடங்களுக்குப் பிறகு பணத்தை அனுப்பும் வசதி வந்துவிடும்.

பெனிஃபிசரி பெயர் இணைக்கப்பட்டதும் அவருக்கு எவ்வளவு தொகை அனுப்ப வேண்டும் என்பதைப் பதிவிட்டால் அவருடைய மொபைல் நம்பருக்கு ஓடிபி மற்றும் 9 டிஜிட் ஆர்டர் ஐடி நம்பர் அனுப்பப்படும்.

இப்போது பணத்தை எடுக்கும் நபர் ஏடிஎம் சென்று மெஷின் ஸ்கிரீனில் இருக்கும் Cardless Cash ஆப்சனை கிளிக் செய்ய வேண்டும்.

அவருடைய மொபைல் நம்பருக்கு வந்த ஓடிபி, மொபைல் நம்பர் போன்ற விவரங்களைப் பதிவிட்டால் பணம் வந்துவிடும். அவ்வளவுதான் வேலை முடிந்தது!