Vivo: விவோ அலுவலகங்களில் அமலாக்கத்துறை ரெய்டு!

சீனாவை சேர்ந்த ஸ்மார்ட்போன் நிறுவனமான விவோ (vivo) நிறுவனத்துடன் தொடர்புடைய 44 இடங்களில் அமலாக்கத்துறையினர் இன்று ரெய்டு நடத்தி வருவதாக தகவல் வெளியாகியுள்ளது.

விவோ நிறுவனத்துக்கு எதிராக பணமோசடி வழக்கு விசாரணையின் ஒரு பகுதியாக நாடு முழுவதும் 44 இடங்களில் அமலாக்கத்துறை இன்று விசாரணை நடத்தி வருகிறது. பணமோசடி தடுப்புச் சட்ட பிரிவுகளின் அடிப்படையில் இந்த ரெய்டு நடைபெற்று வருகிறது.

விவோ நிறுவனம் மற்றும் அதனுடன் தொடர்புடைய நிறுவனங்களுடன் சம்பந்தப்பட்ட 44 இடங்களில் அமலாக்கத்துறை சோதனை நடத்தி வருவதாக அதிகாரிகள் வட்டாரத்தில் கூறுகின்றனர்.

Income Tax: வருமான வரித் தாக்கல்.. இதெல்லாம் ரொம்ப முக்கியம்!
சீனாவை சேர்ந்த மொபைல் நிறுவனங்களான விவோ, ஷியோமி, ஓப்போ உள்ளிட்ட நிறுவனங்களுடன் தொடர்புடைய 20 இடங்களில் கடந்த டிசம்பர் மாதம் வருமான வரித் துறை ரெய்டு நடத்தியது குறிப்பிடத்தக்கது. அப்போது வரி ஏய்ப்பு தொடர்பாக சோதனை நடத்தப்பட்டது.

கடந்த ஏப்ரல் மாதம், ஷியோமி (Xiaomi) நிறுவனத்திடம் சட்டவிரோத பரிவர்த்தனைகள் தொடர்பாக 5,551.27 கோடி ரூபாயை அமலாக்கத்துறை கைப்பற்றியது குறிப்பிடத்தக்கது.