பிஎஃப் பயனாளிகளுக்கு வாட்ஸ் ஆப் சேவை!

தொழிலாளர் வருங்கால வைப்பு நிதி அமைப்பின் சார்பாக அதன் வாடிக்கையாளர்களுக்கு பல்வேறு சேவைகள் தொடர்ந்து அறிமுகப்படுத்தப்பட்டு வருகின்றன. அதன் ஒரு பகுதியாக, வாட்ஸ் ஆப் சேவை தொடங்கப்பட்டுள்ளது. கொரோனா பாதிப்புக்குப் பிறகு பிஎஃப் அலுவலகங்களுக்குச் சென்று வருவதில் உள்ள சிரமங்களைக் குறைக்கும் நோக்கத்தில் இச்சேவை அறிமுகம் செய்யப்பட்டுள்ளது. பிஎஃப் அமைப்பின் 138 பிராந்திய அலுவலகங்களிலும் இச்சேவை பயன்பாட்டுக்கு வந்துள்ளது.

பிஎஃப் தொடர்பான சந்தேகங்கள் மற்றும் குறைகளுக்கும் சம்பந்தப்பட்ட பிராந்திய அலுவலகத்தின் வாட்ஸ் ஆப் எண்ணைத் தொடர்பு கொண்டாலே போதும். உதாரணமாக, மத்திய டெல்லி பகுதியில் உங்களது பிஎஃப் அலுவலகம் இருப்பதாக வைத்துக்கொண்டால் அதற்கான 8178457507 என்ற வாட்ஸ் ஆப் எண்ணைத் தொடர்பு கொள்ள வேண்டும். எனவே உங்களுக்கான பிராந்திய அலுவலகம் எது என்பதை நீங்கள் முதலில் தெரிந்துகொள்ள வேண்டும். அதை ஆன்லைன் மூலமாகவே நீங்கள் தெரிந்துகொள்ளலாம்.

www.epndia.gov.in என்ற முகவரியில் செல்ல வேண்டும்.

அதில் 'Services' என்ற பிரிவின் கீழ் 'For Employers' என்பதைத் தேர்ந்தெடுக்க வேண்டும்.

புதிய பக்கம் ஒன்று ஓப்பன் ஆகும். அதில் 'Services' என்ற பிரிவின் கீழ் 'Establishment Search' என்ற வசதியை கிளிக் செய்யவும்.

அடுத்த திரையில் கேட்கப்படும் விவரங்கள் மற்றும் கேப்ட்சா குறியீட்டைப் பதிவிட்டு 'Search' என்பதை கிளிக் செய்ய வேண்டும்.

இதில் establishment code போன்ற விவரங்கள் கேட்கப்படும். establishment என்பது நீங்கள் வேலை பார்க்கும் நிறுவனத்தின் பெயராகும். அதற்கான கோடு எண் தெரியாவிட்டால் பெயரை வைத்துக்கூட நீங்கள் தேடலாம்.

'View Details' என்பதை கிளிக் செய்தால் நிறுவனத்தின் பெயர், கோடு எண், அது சம்பந்தப்பட்ட பிஎஃப் அலுவலகத்தின் பெயர், பிஎஃப் அலுவலக முகவரி போன்ற விவரங்கள் கிடைக்கும்.

சென்னை வாட்ஸ் ஆப் எண்கள்!

அம்பத்தூர் - 6380131921
சென்னை வடக்கு - 9345750916
சென்னை தெற்கு - 6380366729
தாம்பரம் - 6380153667