பிஎஃப் வட்டி குறையப் போவுது!

தொழிலாளர் வருங்கால வைப்பு நிதி என்பது தொழிலாளர்களுக்கு அரசு வழங்கும் சமூகப் பாதுகாப்புத் திட்டத்தில் ஒன்றாகும். அரசு மற்றும் தனியார் நிறுவனங்களில் வேலை பார்க்கும் தொழிலாளர்களின் எதிர்கால நலன் கருதி தொழிலாளரின் மாதாந்திர சம்பளத்தில் நிறுவனம் சார்பிலும் தொழிலாளர் சார்பிலும் பங்களிப்பு செய்து சேமித்து வைக்கும் பணத்தை தொழிலாளர் ஓய்வு பெற்ற பின்னரோ அல்லது தொழிலாளர்களின் தேவையைப் பொறுத்தோ பின்னர் பெற்றுக் கொள்ளலாம். பணியாளர்கள் வாங்கும் மாதச் சம்பளத்தில் 12 சதவீதம் பிடித்தம் செய்யப்பட்டு அந்த ஊழியர்கள் பணியாற்றும் நிறுவனம் அதற்கு சமமான தொகையையும் சேர்த்து வருங்கால வைப்பு நிதி ஆணையத்தில் முதலீடு செய்யும்.

தொழிலாளர் வருங்கால வைப்பு நிதிக்கான வட்டி மார்ச் மாதத் தொடக்கத்தில் 8.65 சதவீதத்திலிருந்து 8.5 சதவீதமாகக் குறைக்கப்பட்டது. சுமார் 6 கோடிப் பேர் பிஎஃப் சந்தாதார்களாக இருக்கும் நிலையில் அவர்களுக்கு அதிருப்தி தரும் செய்தியாக, பி எஃப் வட்டி மேலும் குறைக்கப்படும் என்று தகவல் வெளியாகியுள்ளது. கடந்த 2019-20 நிதியாண்டுக்கான பிஎஃப் பணத்துக்கு 8.5 சதவீத வட்டி கொடுப்பதாக் கூறியிருந்த நிலையில் அது மேலும் குறைய வாய்ப்புள்ளதாகக் கூறப்படுகிறது.

இந்தியாவில் சீன முதலீடு 12 மடங்கு உயர்வு!

கொரோனா வைரஸ் பிரச்சினையால் அரசுக்கு நிதி நெருக்கடி ஏற்பட்டுள்ளதாலும் முதலீடுகள் குறைந்துள்ளதாலும் முன்பே அறிவித்த வட்டி விகிதங்களைக் கொடுப்பது தொழிலாளர் வருங்கால வைப்பு நிதி அமைப்பு சிரமமாக இருப்பதாகக் கூறப்படுகிறது. இதனால்தான் வட்டி விகிதத்தைக் குறைக்க முடிவுசெய்யப்பட்டுள்ளதாகத் தெரிகிறது. பி எஃப் அமைப்பு ஏற்கெனவே அறிவித்த 8.5 சதவீத வட்டியைக் கொடுக்க இயலுமா என்பது குறித்து தொழிலாளர் வருங்கால வைப்பு நிதி அமைப்பின் முதலீட்டுக் குழு ஆலோசனை செய்யவுள்ளது.

தமிழ்நாட்டுக்கு அள்ளிக் கொடுத்திருக்கோம்: மத்திய அரசு!

கொரோனா ஊரடங்கால் பாதிக்கப்பட்டுள்ள நாட்டு மக்களுக்கு உதவும் வகையில் பிஎஃப் பணத்தை முன்கூட்டியே அளிப்பது போன்ற சலுகைகளை மத்திய அரசு அறிவித்திருந்தது. அதேநேரம் தற்போது பிஎஃப் வட்டியைக் குறைக்கும் முடிவு பிஎஃப் சந்தாதார்களுக்கு அதிருப்தியை ஏற்படுத்தியுள்ளது.