மீண்டும் வேலையைக் காட்டிய தங்கம்!

தங்கம் வாங்க நினைப்பவர்கள் அதை வாங்கவே வேண்டாம் என்று யோசிக்கும் அளவுக்கு சென்னையில் தங்கம் விலை தொடர்ந்து உயர்த்தப்பட்டு வருகிறது. இதனால் நகை வாங்குவோர் பெரும் சிரமத்துக்கு ஆளாகியுள்ளனர். இந்நிலையில் மகிழ்ச்சி தரும் விதமாக இன்று காலையில் தங்கம் விலை சவரனுக்கு 192 ரூபாய் குறைக்கப்பட்டது. ஆனால் அந்த மகிழ்ச்சி நீடிப்பதற்குள் மாலை நேரத்தில் மீண்டும் விலை உயர்வு ஏற்பட்டுள்ளது.

சென்னையில் இன்று (நவம்பர் 15) காலையில் ஒரு கிராம் (22 கேரட்) ஆபரணத் தங்கத்தின் விலை ரூ.4,631 ஆக இருந்தது. மாலையில் அது ரூ.4,636 ஆக உயர்த்தப்பட்டுள்ளது. அதேபோல, இன்று காலை 37,048 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் 40 ரூபாய் உயர்ந்து 37,088 ரூபாய்க்கு விற்பனையாகிறது.

தூய தங்கத்தின் விலையும் தற்போது உயர்த்தப்பட்டுள்ளது. இன்று காலை 4,995 ரூபாய்க்கு விற்பனை செய்யப்பட்ட ஒரு கிராம் தூய தங்கம் மாலையில் 5000 ரூபாயாக உயர்ந்துள்ளது. அதேபோல, காலையில் 39,960 ரூபாய்க்கு விற்பனை செய்யப்பட்ட 8 கிராம் தூய தங்கம் 40 ரூபாய் குறைந்து 40,000 ரூபாய்க்கு விற்பனையாகிறது.

வெள்ளி விலையும் உயர்ந்துள்ளது. சென்னையில் ஒரு கிராம் வெள்ளி விலை இன்று ரூ.71 ஆக இருந்தது. இன்று அது ரூ.71.50 ஆக உயர்ந்துள்ளது. ஒரு கிலோ வெள்ளி 71,500 ரூபாய்க்கு விற்பனை செய்யப்படுகிறது.