நகை வாங்குவோர் கண்ணீர்! தாறுமாறாக உயரும் விலை!!

தங்கம் வாங்க நினைப்பவர்கள் அதை வாங்கவே வேண்டாம் என்று யோசிக்கும் அளவுக்கு சென்னையில் தங்கம் விலை தொடர்ந்து உயர்த்தப்பட்டு வருகிறது. இதனால் நகை வாங்குவோர் மிகவும் சிரமப்படுகின்றனர். இன்று காலையில்தான் விலை உயர்த்தப்பட்டது. அந்த சோகம் மறைவதற்குள் மாலையில் மேலும் உயர்ந்துள்ளது. தற்போது தங்கம் விலை எவ்வளவு என்று இங்கே பார்க்கலாம்.

சென்னையில் இன்று (ஜனவரி 11) காலையில் ஒரு கிராம் (22 கேரட்) ஆபரணத் தங்கத்தின் விலை ரூ.4,487 ஆக இருந்தது. மாலையில் அது 4,490 ரூபாயாக உயர்ந்துள்ளது. அதேபோல, இன்று காலை 35,896 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் மாலையில் 24 ரூபாய் உயர்ந்து 35,920 ரூபாய்க்கு வந்துள்ளது.

Gold Price: நகை வாங்குற மக்கள் பாவம்!!

தூய தங்கத்தின் விலையும் தற்போது உயர்த்தப்பட்டுள்ளது. இன்று காலை 4,853 ரூபாய்க்கு விற்பனை செய்யப்பட்ட ஒரு கிராம் தூய தங்கம் மாலையில் 4,856 ரூபாயாக அதிகரித்துள்ளது. அதேபோல, காலையில் 38,824 ரூபாய்க்கு விற்பனை செய்யப்பட்ட 8 கிராம் தூய தங்கம் மாலையில் 24 ரூபாய் உயர்ந்து 38,848 ரூபாய்க்கு விற்பனையாகிறது.

வெள்ளி விலையும் உயர்ந்துள்ளது. சென்னையில் ஒரு கிராம் வெள்ளி விலை இன்று காலை ரூ.64.50 ஆக இருந்தது. மாலையில் அது ரூ.64.80 ஆக உயர்த்தப்பட்டுள்ளது. ஒரு கிலோ வெள்ளி 64,800 ரூபாய்க்கு விற்பனை செய்யப்படுகிறது.