அந்நிய முதலீடு: இந்தியாவில் குவியும் வெளிநாட்டுப் பணம்!

இந்தியாவின் அந்நிய நேரடி முதலீடுகள் குறித்த விவரங்களை மத்திய வர்த்தகம் மற்றும் தொழில் துறை அமைச்சகம் வெளியிட்டுள்ளது. அதன்படி, சென்ற ஏப்ரல் மாதத்தில் இந்தியா மொத்தம் 6.24 பில்லியன் டாலர் முதலீடுகளை ஈர்த்துள்ளது. இது 2020 ஏப்ரல் மாதத்தில் ஈர்க்கப்பட்ட 4.53 பில்லியன் டாலர் முதலீட்டை விட 38 சதவீதம் அதிகமாகும். எளிதாகத் தொழில் தொடங்கும் அம்சங்களை மேம்படுத்தியது, முதலீட்டுக் கொள்கைகளைத் தளர்த்தியது போன்ற காரணங்களால்தான் இந்தியாவின் அந்நிய நேரடி முதலீடுகள் அதிகரித்துள்ளதாக அரசு தரப்பில் கூறப்பட்டுள்ளது.

இந்தியாவில் அதிகமாக முதலீடு செய்த நாடுகளிலேயே மொரீஷியஸ் முதலிடத்தில் இருக்கிறது. இந்தியா ஈர்த்த மொத்த முதலீடுகளில் அந்நாட்டின் பங்கு மட்டும் 24 சதவீதமாக இருந்துள்ளது. அதைத் தொடர்ந்து 21 சதவீதப் பங்குகளுடன் சிங்கப்பூர் இரண்டாம் இடத்திலும், 11 சதவீதப் பங்குகளுடன் ஜப்பான் மூன்றாம் இடத்திலும் இருக்கின்றன.

உங்க பான் கார்டு ஆதாருடன் லிங்க் ஆகியிருக்கா? செக் பண்றது ஈசி!
சர்வதேச அளவில் அதிக முதலீடுகளை ஈர்த்த நாடுகளுக்கான பட்டியலில் இந்தியா ஐந்தாவது இடத்தில் இருப்பதாக சில தினங்களுக்கு முன்னர் ஐக்கிய நாடுகள் சபை வெளியிட்டிருந்த அறிக்கையில் கூறியிருந்தது. 2020ஆம் ஆண்டில் மட்டும் இந்தியா 27 சதவீத வளர்ச்சியுடன் 64 பில்லியன் டாலர் முதலீடுகளை இந்தியா ஈர்த்திருந்தது. 2010ஆம் ஆண்டில் இதன் அளவு 51 பில்லியன் டாலராக மட்டுமே இருந்தது என்பது குறிப்பிடத்தக்கது.