பழைய ஓய்வூதிய திட்டம் சாத்தியமே இல்லை.. நிர்மலா சீதாராமன் எச்சரிக்கை!

2003ஆம் ஆண்டு வரை அனைத்து அரசு ஊழியர்களுக்கும் பழைய ஓய்வூதிய திட்டம் அமலில் இருந்தது. 2004ஆம் ஆண்டு முதல் தேசிய ஓய்வூதிய திட்டம் அமல்படுத்தப்பட்டது. ஆனால், மீண்டும் பழைய ஓய்வூதிய திட்டத்தை அமல்படுத்த வேண்டும் என அரசு ஊழியர்கள் வலியுறுத்தி வருகின்றனர்.

பஞ்சாப், ஜார்கண்ட், சத்தீஸ்கர், ராஜஸ்தான் போன்ற மாநிலங்கள் அரசு ஊழியர்களுக்கு பழைய ஓய்வூதிய திட்டத்தை அமல்படுத்துவதாக அதிகாரப்பூர்வமாக அறிவித்துள்ளன.

பழைய ஓய்வூதிய திட்டத்தை அமல்படுத்துவதால் மாநிலங்களுக்கு எதிர்காலத்தில் கடுமையான நிதி சுமை ஏற்படும் என ரிசர்வ் வங்கி அண்மையில் எச்சரித்திருந்தது.

இந்நிலையில், நிதியமைச்சர் நிர்மலா சீதாராமன் ET Awards நிகழ்ச்சியில் கலந்துகொண்டு பேசியபோது, அவரிடம் பழைய ஓய்வூதிய திட்டம் அமல்படுத்தப்படுமா என கேள்வி எழுப்பப்பட்டது. அதற்கு, பழைய ஓய்வூதிய திட்டத்தை அமல்படுத்துவது சாத்தியமே இல்லை என நிதியமைச்சர் நிர்மலா சீதாராமன் தெரிவித்துள்ளார்.

பழைய ஓய்வூதிய திட்டத்தை மீண்டும் அமல்படுத்துவதால் மாநிலங்களுக்கு நீண்டகால அடிப்படையில் நிதிச் சுமை ஏற்படும் எனவும் நிதியமைச்சர் நிர்மலா சீதாராமன் தெரிவித்துள்ளார்.