Forbes: அமெரிக்காவில் கொடி கட்டிப் பறக்கும் இந்தியர்கள்!

பல்வேறு பிரிவுகளின் கீழ் உலக அளவிலும் அமெரிக்க அளவிலும் அதிகம் செல்வம் மிக்க பணக்காரர்களுக்கான பட்டியலை ஃபோர்ப்ஸ் ஊடகம் வெளியிட்டு வருகிறது. அந்த வகையில், அமெரிக்காவின் 400 பெரிய பணக்காரர்களுக்கான பட்டியலை ஃபோர்ப்ஸ் வெளியிட்டுள்ளது. இந்த ஆண்டுக்கான பட்டியலில் அமேசான் நிறுவனர் ஜெஃப் பெசோஸ் முதலிடம் பிடித்துள்ளார். அவரது சொத்து மதிப்பு தற்போது 188.3 பில்லியன் டாலராக இருக்கிறது. இதன் மூலம் தொடர்ந்து மூன்றாவது ஆண்டாக ஜெஃப் பெசோஸ் முதலிடத்தில் நீடிக்கிறார்.

பெசோஸைத் தொடர்ந்து ஆப்பிள் நிறுவனத்தின் பில் கேட்ஸ் 111 பில்லியன் டாலர் சொத்து மதிப்புடன் இரண்டாம் இடத்தில் இருக்கிறார். இந்த ஆண்டுக்கான பட்டியலில் அமெரிக்க வாழ் இந்தியர்கள் 7 பேர் இடம் பெற்றுள்ளனர். Zscaler நிறுவனத்தின் தலைமைச் செயலதிகாரியான ஜே சவுத்ரி, சிம்போனி டெக்னாலஜி நிறுவனர் ரமேஷ் வத்வானி, Wayfair நிறுவனத்தின் தலைமைச் செயலதிகாரி நீரஜ் சிங் கோஸ்லா வென்சர்ஸ் நிறுவனர் வொனோத் கோஸ்லா, ஷெர்பலோ வென்சர்ஸ் நிறுவனத்தின் மேனேஜிங் பார்ட்னர் கவிதார்க் ராம் ஸ்ரீராம், ராகேஷ் கங்வால், வொர்க்டே நிறுவனத்தின் தலைமைச் செயலதிகாரி அனீல் பூஸ்ரி ஆகிய ஏழு இந்தியர்கள் இடம் பிடித்துள்ளனர்.

தயார் நிலை வீடுகளுக்கு அதிக டிமாண்ட்... கொரோனாவுக்கு நன்றி!

இந்த ஆண்டுக்கான ஃபோர்ப்ஸ் பட்டியலில், இடம்பிடித்த 400 அமெரிக்கர்களும் தங்களது சொத்து மதிப்பை இந்த ஆண்டில் 240 பில்லியன் டாலர் வரையில் உயர்த்தியுள்ளனர். இவர்களின் ஒட்டுமொத்த சொத்து மதிப்பு 3.2 லட்சம் கோடி டாலராக இருக்கிறது. ஃபோர்ப்ஸ் பட்டியலில் ஃபேஸ்புக் நிறுவனர் மார்க் ஜூகர்பெர்க், பெர்க்‌ஷைர் ஜாதவே தலைமைச் செயலதிகாரி வாரென் பஃபெட், ஆரக்கிள் நிறுவனர் லேரி எலிசன் போன்ற பிரபலங்களும் ஆதிக்கம் செலுத்துகின்றனர். அமெரிக்க அதிபர் டொனால்டு ட்ரம்ப்புக்கும் இப்பட்டியலில் இடம் கிடைத்துள்ளது. அவர் 339ஆவது இடத்தில் இருக்கிறார். அவரது சொத்து மதிப்பு தற்போது 2.5 பில்லியன் டாலராக இருப்பதாகக் கூறப்பட்டுள்ளது.