ஒவ்வொரு மாதமும் பெண்களுக்கு 5100 ரூபாய்.. மோடி அரசு கொடுக்கிறதா?

பொதுமக்கள் நலனுக்காக பல்வேறு அரசு திட்டங்கள் மத்திய அரசால் செயல்படுத்தப்பட்டு வருகின்றன. அதில் நிறைய திட்டங்கள் பொதுமக்களுக்கு நிதியுதவி வழங்குகின்றன. அப்படியொரு திட்டம் பற்றி சமூக வலைதளங்களில் செய்தி ஒன்று பரப்பப்பட்டு வருகிறது. அதில், பெண்களுக்கு ஒவ்வொரு மாதமும் அரசாங்கம் 5100 ரூபாய் வழங்குவதாக கூறப்படுகிறது. இந்தச் செய்தியைப் பார்த்த பிறகு, அதன் உண்மைத்தன்மையைக் கண்டறிய PIB நிறுவனத்தால் உண்மைச் சரிபார்ப்பு சோதனை செய்யப்பட்டது.

’ஷ்ராமிக் சம்மான் யோஜனா’ என்ற திட்டத்தின் கீழ், அரசாங்கம் பெண்களுக்கு ஒவ்வொரு மாதமும் 5100 ரூபாய் வழங்குவதாக அந்த செய்தி கூறுகிறது. இந்த செய்தி உண்மை இல்லை என்று தற்போது கண்டறியப்பட்டுள்ளது. அது PIB உண்மை சரிபார்ப்பு சோதனை மூலம் உறுதி செய்யப்பட்டுள்ளது. இதுபோன்ற செய்திகளை யாரிடமும் பகிரக்கூடாது என்று மத்திய அரசு தெரிவித்துள்ளது. அதோடு, அரசு தொடர்பான ஏதேனும் ஒரு திட்டத்தைப் பற்றிய தகவல்களைப் பெற விரும்பினால், நீங்கள் அதிகாரப்பூர்வ இணையதளத்தில் மட்டுமே தொடர்பு கொள்ள வேண்டும் என்று கேட்டுக் கொள்ளப்பட்டுள்ளது.

இது போன்ற பொய்யான செய்திகளில் இருந்து விலகி இருக்கவும், இந்த செய்திகளை யாரிடமும் பகிர வேண்டாம் என்றும் மத்திய அரசு தெரிவித்துள்ளது. இதுபோன்ற வைரலான செய்தியின் உண்மைத்தன்மையை தெரிந்து கொள்ள விரும்பினால், 918799711259 என்ற எண் அல்லது socialmedia@pib.gov.in என்ற முகவரிக்கு தொடர்பு கொள்ளலாம்.

மத்திய அரசு சார்பாக பல்வேறு நலத்திட்டங்கள் செயல்படுத்தப்பட்டு வருகின்றன. அதுபற்றிய செய்திகள் சமூக வலைதளங்களில் பரப்பப்படுகின்றன. அவற்றில் சில போலியானவையாக இருக்கலாம். அதில் உள்ள லிங்க்குகளை கிளிக் செய்ய நீங்கள் கேட்கப்படுவீர்கள். அதை கிளிக் செய்தால் உங்களுடைய வங்கிக் கணக்கில் உள்ள பணம் காணாமல் போகும். இதுபோன்ற மோசடிகளில் சிக்காமல் இருக்க அரசு தரப்பில் தொடர்ந்து எச்சரிக்கை செய்யப்பட்டு வருகிறது.