கிரிப்டோகரன்சி வரி
ஜூலை 1ஆம் தேதி முதல் கிரிப்டோகரன்சி பரிவர்த்தனைகளுக்கு 1% TDS பிடித்துக்கொள்ளப்படும். கிரிப்டோகரன்சி மட்டுமல்லாமல் NFT போன்ற டிஜிட்டல் சொத்துகள் பரிவர்த்தனைக்கும் 1% TDS வசூலிக்கப்படும். கிரிப்டோகரன்சி பரிவர்த்தனையால் லாபம் கிடைத்தாலும், நஷ்டம் அடைந்தாலும் 1% TDS நிச்சயமாக பிடித்துக்கொள்ளப்படும்.
பான் - ஆதார் இணைப்பு
ஆதார் பான் இணைப்பதற்கான கடைசி தேதி ஜூன் 30ஆம் தேதியுடன் முடிவடைகிறது. ஜூன் 30 வரை 500 ரூபாய் அபராதம் செலுத்தி ஆதார் - பான் கார்டுகளை இணைத்துக்கொள்ளலாம். ஜூலை 1ஆம் தேதி முதல் 1000 ரூபாய் அபராதம் செலுத்தி ஆதார் - பான் இணைக்க வேண்டும்.
மருத்துவர்கள், சமூக ஊடக பிரபலங்களுக்கு
மருத்துவர்கள் மற்றும் சமூக வலைதள பிரபலங்கள் (Social media influencers) விளம்பரங்கள் வாயிலாக பெறும் தொகைக்கு ஜூலை 1ஆம் தேதி முதல் 10% TDS பிடித்துக்கொள்ளப்படும். ஒரு நிதியாண்டுக்கு 20,000 ரூபாய்க்கு மேல் விளம்பரங்கள் வாயிலாக வருமானம் ஈட்டினால் மட்டுமே TDS வசூலிக்கப்படும். 20,000 ரூபாய்க்குள் வருமானம் இருந்தால் TDS கிடையாது.