Layoffs: உள்ளூர் முதல் உலக லெவல் வரை.. ஊழியர்களை நீக்கும் நிறுவனங்கள்!

உள்ளூர் முதல் சர்வதேச நாடுகள் வரை பல்வேறு நிறுவனங்கள் செலவுகளை குறைப்பதற்காக ஊழியர்களை பணிநீக்கம் செய்து வருகின்றன. இவை பெரும்பாலும் டெக் நிறுவனங்களாகவே இருக்கின்றன. இதனால் ஊழியர்கள் மத்தியில் பீதி ஏற்பட்டுள்ளது.

இந்தியாவில் அண்மையில் பல்வேறு நிறுவனங்கள் ஊழியர்களை பணிநீக்கம் செய்துள்ளன. இவை பெரும்பாலும் கல்வி ஸ்டார்ட் அப் (EdTech Startup) நிறுவனங்களாகவே இருக்கின்றன. இதுபோக நெட்ஃபிளிக்ஸ், டெஸ்லா போன்ற பெரு நிறுவனங்களும் ஊழியர்களை பணிநீக்கம் செய்துள்ளன.

அனகாடமி (Unacademy), லிடோ லேர்னிங் (Lido Learning), வேதாந்து (Vedantu), பைஜூஸ் (BYJU's) போன்ற கல்வி ஸ்டார்ட் அப் நிறுவனங்கள் செலவுகளை குறைப்பதற்காக ஏராளமான ஊழியர்களை பணிநீக்கம் செய்துள்ளன.

300 ஊழியர்களுக்கு டாட்டா காட்டிய ஸ்டார்ட் அப் நிறுவனம்!
இதுமட்டுமல்லாமல் பைஜூஸ் நிறுவனத்துக்கு சொந்தமான வொய்ட்ஹேட் ஜேஆர் (Whitehat Jr) நிறுவனமும் செலவுகளை குறைக்க ஊழியர்களை வெளியேற்றியுள்ளது. இந்த வரிசையில் தற்போது பெங்களூருவை தலைமையிடமாக கொண்டு இயங்கி வரும் உடான் (Udaan) நிறுவனமும் சுமார் 200 ஊழியர்களை பணிநீக்கம் செய்துள்ளது.

உள்ளூரில்தான் இந்த நிலை என்றால் அமெரிக்கா போன்ற நாடுகளில் மிகப்பெரிய நிறுவனங்களும் ஊழியர்களை வெளியேற்றி வருகின்றன. நெட்ஃபிளிக்ஸ் (Netflix) நிறுவனம் செலவுகளை குறைக்க சுமார் 300 ஊழியர்களை நீக்கியுள்ளது. இதேபோல டெஸ்லா (Tesla) நிறுவனமும் சுமார் 200 ஊழியர்களை நீக்கியுள்ளது.