ஜிஎஸ்டியின் அடுத்த அடி: சமையல் எரிவாயு விலை உயர்வு!!

ஜிஎஸ்டி அமலுக்கு வந்துள்ள நிலையில் வீட்டு உபயோக சமையல் எரிவாயு விலை அதிகரித்துள்ளது.

ஜிஎஸ்டி தாக்கத்தால் உணவு பொருட்கள் முதல் அதை சமைக்கப் பயன்படும் எரிவாயு சிலிண்டர் வரை விலை அதிகரித்து வருகிறது.

கடந்த ஆண்டு நவம்பர் மாதம் பணமதிப்பு நீக்கம், இதைதொடர்ந்து ஏற்பட்ட சிரமங்களை யாராலும் மறக்க முடியாது. அதேபோல பசுவதை தடை சட்டத்தைத் தொடர்ந்து நாட்டில் பல்வேறு பிரச்சனைகள் எழுந்தது.

இதைத் தொடர்ந்து தற்போது ஜிஎஸ்டி தாக்கம். 560 ரூபாயாய் இருந்த எரிவாயு சிலிண்டர் மதிப்பு 574.50 ஆக உயர்ந்துள்ளது. சமையல் எரிவாயுவுக்கான மானியம் தங்களது வங்கி கணக்கில் டெபாசிட் ஆகிவிடும் மொத்தம் 108.46 ரூபாய் மானியம் கிடைத்தால் அதில் விநியோகஸ்தர்களுக்கான கமிஷன் 47.63 ரூபாய் , ஜிஎஸ்டிக்கு 24.96 ரூபாய் , அதுபோக மாநில அரசுக்கு 12.8 ரூபாய் கழிந்துவிடும் . எனவே இது எல்லா தரப்பு மக்களையும் பாதித்துள்ளது.

gas price rises due to gst