அதானியின் சீக்ரெட் மாஸ்டர் பிளான்.. பல கோடி மதிப்புள்ள பங்குகள் விற்பனை!!

ஆசியாவின் மிகப் பெரிய பணக்காரரான கௌதம் அதானியின் முதன்மை நிறுவனமான அதானி எண்டர்பிரைசஸ் லிமிடெட், குறைந்தபட்சம் 1.8 பில்லியன் டாலர் புதிய பங்குகளை வெளியிட பரிசீலித்து வருகிறது என அந்நிறுவனத்திற்கு நெருங்கிய நபர்கள் கூறியுள்ளனர்..

கோடீஸ்வரர் கௌதம் அதானியின் குழுமமானது, ஆலோசகர்களுடன் இணைந்து செயல்பட்டு வருவதாகவும், அடுத்த ஆண்டுக்குள் விரைவில் பங்குகளை விற்கலாம் என்றும், தகவல்கள் தனிப்பட்டவை என்பதால் அடையாளம் குறித்து சொல்ல வேண்டாம் எனவும் அந்நபர்கள் கூறியுள்ளனர். இந்த விற்பனையின் மூலம் 2.4 பில்லியன் டாலர்கள் வரை திரட்ட முடியும் என்று தகவல் சொன்ன ஒருவர் தெரிவித்துள்ளார்.

இதன் மூலம் அதானி நிறுவனத்தின் போட்டியாளர்களை ஒப்பிடும்போது குறைந்த பணப்புழக்கம் மற்றும் அரிதான பகுப்பாய்வாளர் கவரேஜ் ஆகியவற்றால் அதிக லாபங்களைக் கொண்ட ஒரு நிறுவனமாகவும், பங்காக விளங்கவும் முடியும் என கூறப்படுகிறது.

மூன்றாவது பெரிய பணக்காரர் கடந்த சில மாதங்களாகவே பல டீல்மேக்கிங் மூலம் பலதரப்பட்ட வணிகங்களில் நுழைந்துள்ளார் என்பதும் குறிப்பிடத்தக்கது. ஹோல்சிம் லிமிடெட்டின் உள்ளூர் சிமெண்ட் சொத்துக்களை $10.5 பில்லியன் கையகப்படுத்துவதற்கு அதானி தலைமை தாங்கினார், இது இந்தியாவின் இந்த ஆண்டின் இரண்டாவது பெரிய ஒப்பந்தமாகும்.

மேலும் இந்நிறுவனம், நியூ தில்லி டெலிவிஷன் லிமிடெட் நிறுவனத்தை கையகப்படுத்த முயற்சிப்பதாகவும், ப்ராட்காஸ்டரில் மறைமுகமாக 29.2% பங்குகளை டிசம்பருக்குள் வாங்கவும் நிறுவனம் திட்டமிட்டுள்ளதாகவும் கூறப்படுகிறது.

அதானி எண்டர்பிரைசஸ் பங்குகள் இன்றுவரை 134% உயர்ந்து, அதன் சந்தை மதிப்பை 55.5 பில்லியன் டாலர் உயர்ந்துள்ளது. இந்தியாவின் NSE Nifty 50 இன்டெக்ஸ் - இல் செப்டம்பரில் அதானியின் பங்குகள உயர்ந்தன.

அதே காலகட்டத்தில் அதானி குழுமப் பங்குகள் வெறும் 5.1% மட்டுமே உயர்ந்துள்ளது. அதானி எண்டர்பிரைசஸ் அதன் ஓராண்டு முன்னோக்கிய வருமானத்தை விட 164 மடங்கு மதிப்பீட்டில் வர்த்தகம் செய்து வருகிறது. ஒப்பிடுகையில், ப்ளூம்பெர்க் தொகுத்த தரவுகளின்படி, நிஃப்டியில் சுமார் 20 மடங்கு அதிகம வர்த்தகம் செய்து வருகிறது

அதானி எண்டர்பிரைசஸ் பிரதிநிதிகள் இச்செய்தி கருத்து தெரிவிக்க மறுத்துவிட்டனர். ஆனால நிறுவனத்தின் நிர்வாகக் குழு வருகின்ற நவம்பர் 25-ஆம் தேதி கூடவுள்ளது. அதில் நிதி திரட்டுவது குறித்து ஆலோசிக்கும் என்று நிறுவனம் தாக்கல் செய்த அறிக்கை ஒன்றில் தெரிவித்துள்ளது.