டெல்லியில் இந்திய ஆடைகள் ஷாப்பிங்.. Paytmல் கட்டணம்.. ஜெர்மனி அமைச்சர் ஜாலி பயணம்!

ஜெர்மன் நாட்டின் அமைச்சர் அன்னலேனா பேர்போக் இரண்டு நாள் அரசு பயணமாக இந்தியாவுக்கு வந்துள்ளார். இந்நிலையில், அவர் தனது ஓய்வு நேரத்தில் டெல்லியில் சாந்தினி சவுக் சந்தை உள்ளிட்ட பிரபல இடங்களை சுற்றிப் பார்த்து பொருட்களையும் வாங்கினார்.

டெல்லியில் உள்ள பிரபல சிஸ் கஞ்ச் சாகிப் குருத்வாராவுக்கு சென்ற ஜெர்மன் அமைச்சர் அன்னலேனா, பின்னர் பிரபல சாந்தினி சவுக் மார்க்கெட்டில் சுற்றிப் பார்த்தார். அங்கு பாரம்பரிய இந்திய உடைகளை அவர் பார்த்து வாங்கிக் கொண்டார்.

இதுமட்டுமல்லாமல், சாந்தினி சவுக் மார்க்கெட்டில் அவர் பொருட்களை வாங்கியபோது, டிஜிட்டல் பரிவர்த்தனை ஆப்பான பேடிஎம் (Paytm) பயன்படுத்தி கட்டணம் செலுத்தினார். இத்தகவலை இந்தியாவுக்கான ஜெர்மன் தூதர் பிலிப் அக்கெர்மன் ட்விட்டரில் வெளியிட்டுள்ளார்.

திருப்பூர்: பின்னலாடை ஏற்றுமதி வீழ்ச்சி.. நாடாளுமன்றத்தில் மத்திய அரசு தகவல்!
இந்த படங்கள் சமூக வலைதளங்களில் வெளியாகி வைரலாக பரவியுள்ளன. மேலும், பேடிஎம் ஆப்பை ஜெர்மன் அமைச்சர் பயன்படுத்தியதை குறிப்பிட்டு பேடிஎம் நிறுவனத்தின் தலைமை நிர்வாகி விஜய் சேகர் சர்மா, ஜி20 பிரதிநிதிகள் அனைவரும் இந்தியாவில் உலகத் தரம் வாய்ந்த டிஜிட்டல் பரிவர்த்தனை உள்கட்டமைப்பை பயன்படுத்தும்படி தெரிவித்துள்ளார்.

இதுகுறித்து விஜய் சேகர் சர்மா ட்விட்டரில், “ஜி20 பிரதிநிதிகள் மற்றும் வெளிநாட்டு பிரமுகர்கள் அனைவரையும் வரவேற்கிறோஒம். இந்தியாவின் உலகத் தரம் வாய்ந்த டிஜிட்டல் பர்வர்த்தனை உள்கட்டமைப்பை பயன்படுத்தவும்” என்று தெரிவித்துள்ளார்.


மேலும், ஹரியானா மாநிலத்தில் உள்ள கோரி கிராமத்துக்கு ஜெர்மன் அமைச்சர் அன்னலேனா பேர்போக் பயணம் மேற்கொண்டார். இதுபோக, வெளியுறவுத் துறை அமைச்சர் ஜெய்சங்கருடன் விரிவான ஆலோசனை மேற்கொண்டார். இந்தியா - ஜெர்மனி இருதரப்பு ஒத்துழைப்பை மேம்படுத்துவது குறித்து இதில் ஆலோசிக்கப்பட்டது.