பென்சன்!
இளம் வயதில் நீங்கள் ஓடி ஓடி வேலை செய்யலாம். ஆனால் உங்களது ஓய்வுக் காலத்தில் யாருடைய தயவும் இல்லாமல் சுயமாக வாழ்க்கை நடத்துவதற்கு நிலையான ஒரு தொகை தேவைப்படும். அதற்கு இப்போதிலிருந்தே நீங்கள் சேமித்து வைக்க ஆயத்தமாக வேண்டும். உங்களது குழந்தைகள் எதிர்காலத்தில் உங்களைக் காப்பாற்றுவார்கள் என்று நினைக்காமல், உங்களது இறுதிக் காலத்தில் உங்களை நீங்களே பார்த்துக்கொள்ள பென்சன் உதவியாக இருக்கும். அதற்கு எல்ஐசி ஆயுள் காப்பீட்டு நிறுவனம் பல்வேறு திட்டங்களைச் செயல்படுத்தி வருகிறது.
ஜீவன் ஆனந்த் பாலிசி!
இந்திய ஆயுள் காப்பீட்டுக் கழகம் (எல்ஐசி) நீண்ட கால முதலீட்டிற்கான ஒரு சிறந்த நிறுவனமாகும். நீங்கள் ஓய்வு பெறும் திட்டம் இருந்தாலோ அல்லது நிதி நெருக்கடி இல்லாத சுகமான வாழ்க்கை வாழ விரும்பினாலோ எல்ஐசி அதற்கு உதவுகிறது. ஓய்வுக் காலத்தில் சுகமான வாழ்க்கைக்காக எல்ஐசி செயல்படுத்தி வரும் திட்டம்தான் ஜீவன் ஆனந்த் பாலிசி திட்டம். இத்திட்டத்தின் மூலம் தினமும் 80 ரூபாய் முதலீடு செய்தால் உங்கள் வாழ்க்கையின் கடைசி நாட்களில் ரூ.28,000 ரூபாய் வரையில் ஓய்வூதியம் பெறலாம்.
விதிமுறைகள் என்னென்ன?
குறைந்தது 28 வயது நிரம்பியவர் இந்தத் திட்டத்தில் இணைந்து பயன்பெறலாம். இந்தக் கொள்கை 25 வருட காலத்திற்குப் பிறகு உங்களுக்கு வருமானத்தை வழங்குகிறது. இந்த பாலிசியின் கீழ் குறைந்தபட்சம் ரூ.1 லட்சம் வரையில்கூட உங்களால் லாபம் பெற முடியும். இத்திட்டத்தின் கீழ் முதலீட்டாளர்கள் முதலீடு மற்றும் காப்பீடு ஆகிய இரண்டின் பலனையும் பெற முடியும். ஒரு நபர் தனது 35 வயதில் 20 வருட காலத்திற்கு முதலீடு செய்யத் தொடங்கினால் அவர் முதல் ஆண்டில் ரூ.30,273 பிரீமியம் செலுத்த வேண்டும். மாதாந்திர அடிப்படையில் பார்த்தால் ரூ.2,522 செலுத்த வேண்டும்.
லாபம் எவ்வளவு?
35 வயதில் தொடங்கி 20 ஆண்டுகளுக்கு பாலிசி எடுத்தால் நீங்கள் செலுத்தும் தொகை ரூ.5 லட்சம். உங்களுக்கு 20 தவணைகளில் ரூ.22,500 கிடைக்கும். அதோடு, ரூ.10,000 கூடுதல் பலனும் கிடைக்கும். அதாவது மொத்தமாக உங்களுக்குக் கிடைக்கும் தொகை ரூ.4.60 லட்சம். நீங்கள் டெபாசிட் செய்த தொகை ரூ.5 லட்சத்துடன் சேர்த்து உங்களுக்கு ரூ.9.60 லட்சம் கிடைக்கும். தினசரி 79 ரூபாய் என்ற முதலீட்டில் உங்களால் 60 வயதுக்குப் பிறகு ரூ.27,664 பென்சன் வாங்க முடியும்.