நகைக் கடன் வாங்கப் போறீங்களா? அப்போ இதைப் பாத்துட்டு போங்க!

இந்தியாவில் தங்கம் என்பது ஆடம்பரப் பொருளாக மட்டுமல்லாமல் மிகச் சிறந்த முதலீட்டுப் பொருளாகவும் திகழ்கிறது. தங்கத்தை வைத்திருப்பது மதிப்பை வழங்குவதோடு மட்டுமல்லாமல், அது மிகச் சிறந்த சொத்தாகவும் இருப்பதால் தங்கத்தை அதிகமாக வாங்கிச் சேமிக்க நினைப்பார்கள். நெருக்கடியான சமயங்களில் தங்கத்தை வைத்து பணத் தேவைகளையும் பூர்த்தி செய்யலாம். அதுவும் கொரோனா வந்தபிறகு அனைவருக்கும் நிதி நெருக்கடி பற்றியும் அவசர காலத்தில் பணத்தின் தேவையைப் பற்றியும் புரிதல் ஏற்பட்டுள்ளது.

தங்கத்தை வைத்து வங்கிகளிலும் நிதி நிறுவனங்களிலும் பலர் கடன் வாங்குவார்கள். நகைக்கடன் வாங்க முடிவுசெய்துவிட்டால், எந்த வங்கியில் வாங்க வேண்டும், எவ்வளவு வட்டி, செயல்பாட்டுக் கட்டணம் எவ்வளவு, திருப்பிச் செலுத்தும் கால அவகாசம் என்ன போன்றவற்றையெல்லாம் ஆலோசிக்க வேண்டும். சென்ற ஆண்டின் ஆகஸ்ட் மாதத்தில் தங்க நகைக் கடன்களுக்கான விதிமுறையில் சில தளர்வுகளை ரிசர்வ் வங்கி அறிவித்திருந்தது. இதன்படி தங்கத்தின் மதிப்பில் 90 சதவீதம் வரையில் கடன் வாங்க முடியும்.

ஆதாரில் போட்டோ மாற்றுவது எப்படி? ஈசியான வழி இதுதான்!
தற்போதைய நிலையில், பல்வேறு வங்கிகளும் நிதி நிறுவனங்களும் குறைந்த வட்டியில் தங்க நகைகளுக்குக் கடன் வழங்குகின்றன. அதிகபட்சமாக, பஞ்சாப் & சிந்த் வங்கியில் 7 சதவீத வட்டியில் கடன் கிடைக்கிறது. அதைத் தொடர்ந்து பேங்க் ஆஃப் இந்தியாவில் 7.35 சதவீத வட்டியில் நகைக் கடன் வாங்கலாம். பெர்சனல் லோனுக்கு 10 சதவீதம் வரையில் வட்டி வசூலிக்கப்படுவதால் அதை விட நகைக் கடன் நல்ல தேர்வாக இருக்கும் என்று வல்லுநர்கள் கூறுகின்றனர்.

பஞ்சாப் & சிந்த் பேங்க் - 7%
பேங்க் ஆஃப் இந்தியா - 7.35%
ஸ்டேட் பேங்க் ஆஃப் இந்தியா - 7.50%
கனரா பேங்க் - 7.65%
யூனியன் பேங்க் - 8.20%
கர்நாடகா பேங்க் - 8.37%
இந்தியன் பேங்க் - 8.50%
யூசிஓ பேங்க் - 8.50%
ஃபெடரல் பேங்க் - 8.50
பஞ்சாப் நேஷனல் பேங்க் - 8.75%
ஜே&கே பேங்க் - 8.85%
செண்ட்ரல் பேங்க் - 9.05%
இந்தியன் ஓவர்சீஸ் பேங்க் - 9.25%
ஹெச்டிஎஃப்சி பேங்க் - 9.50%
பேங்க் ஆஃப் பரோடா- 9.60%
தனலட்சுமி பேங்க் - 9.70%