இனி ஏடிஎம் கார்டு வேணாம்.. இந்த ஆப் இருந்தா போதும்!

ஷாப்பிங் பிரியர்கள் ஈசியாக ஷாப்பிங் செய்வதற்கு பஞ்சாப் நேஷனல் வங்கி சூப்பர் வசதியை அறிமுகப்படுத்தியுள்ளது. இதன் வாயிலாக வாடிக்கையாளர்கள் ஏடிஎம் டெபிட் கார்டு இல்லாமலேயே மிக எளிதாக ஷாப்பிங் செய்யலாம்.

இந்தியாவின் இரண்டாவது மிகப்பெரிய பொதுத்துறை வங்கியான பஞ்சாப் நேஷனல் வங்கி (Punjab National Bank) பிஎன்பி ஒன் (PNB One) என்ற சேவையை அண்மையில் அறிமுகப்படுத்தியது. இந்த ஆப் வாயிலாக, டெபிட் கார்டு இல்லாமலேயே டெபிட் கார்டு செய்யும் வேலைகளை முடிக்கலாம்.

அதாவது, உங்கள் கையில் டெபிட் கார்டு இல்லாமல் போனாலும் கூட பிஎன்பி ஆப் வாயிலாக டிஜிட்டல் டெபிட் கார்டு டவுன்லோடு செய்துகொள்ளலாம். இதன் மூலம் ஈசியாக தடையின்றி ஷாப்பிங் செய்யலாம். கையில் எப்போதும் டெபிட் கார்டை தூக்கிக்கொண்டு அலைய விரும்பாதவர்களுக்கோ பின்பி ஒன் ஒரு வரப்பிரசாதம்.

EMI யாருக்கெல்லாம் உயரும்? இந்த வங்கிகளின் வாடிக்கையாளர்களுக்கு அலர்ட்!
பிஎன்பி ஒன் ஆப் வாயிலாக டிஜிட்டல் டெபிட் கார்டு பெறுவது எப்படி?

* உங்கள் மொபைலில் முதலில் பிஎன்பி ஒன் (PNB One) ஆப் டவுன்லோடு செய்து அதில் பதிவு செய்துகொள்ளவும். பிறகு ஆப்பில் Log in செய்யவும்.

* அதில் Debit Card பிரிவை தேர்வு செய்யவும்.

* இப்போது 'Request Virtual Card' ஆப்ஷனை தேர்வு செய்யவும்.

* இப்போது உங்கள் அக்கவுண்ட் நம்பர் மற்றும் டெபிட் கார்டு வகையை தேர்வு செய்யவும்.

* Submit கொடுக்கவும்.

* Virutal Card ஆக்டிவேட் செய்வதற்கு ஒப்புதல் கொடுக்கவும். இதற்கு உங்கள் Transaction Password பதிவிட வேண்டும்.

இப்போது உங்கள் டிஜிட்டல் டெபிட் கார்டு ரெடியாகிவிடும். இந்த டெபிட் கார்டு வாயிலாக ஷாப்பிங் மற்றும் இதர வேலைகளை முடித்துக்கொள்ளலாம். மேலும், எலெக்ட்ரிக் பில் உள்ளிட்ட பில் கட்டணம் செலுத்துவது போன்றவற்றுக்கும் டிஜிட்டல் டெபிட் கார்டை பயன்படுத்தலாம்.