கார் வாங்க சூப்பர் வாய்ப்பு... 36,000 ரூபாய் தள்ளுபடி!!

நாடு முழுவதும் கொரோனா பிரச்சினை காரணமாக, பலர் பொதுப் போக்குவரத்துப் பயணங்களைத் தவிர்க்கின்றனர். கார் போன்ற சொந்த வாகனங்களில் பயணம் செய்யத் தொடங்கியுள்ளனர். கார் இல்லாதவர்கள் புதிதாக கார் வாங்க நினைக்கின்றனர். ஆனால் விலை அதிகமாக இருக்கும் என்பதால் செகேண்ட் ஹேண்ட் கார்களைத் தேடுகின்றனர். அதிகம் செலவானாலும் பரவாயில்லை, கார் வாங்கி அதில் பயணம் செய்ய விரும்புகின்றனர். அப்படிப்பட்டவர்களுக்கு தள்ளுபடி விலையில் கார் கிடைத்தால் எப்படி இருக்கும்? அப்படியொரு திட்டத்தை இந்தியாவின் மிகப் பெரிய கார் தயாரிப்பு நிறுவனமான மாருதி சுஸுகி அறிவித்துள்ளது.

இந்தத் திட்டத்தின் மூலம் நீங்கள் 3 லட்சம் ரூபாய்க்கு கீழ் ஒரு பெரிய காரை வாங்க முடியும். மாருதி சுஸுகி நிறுவனம் தனது ஆல்டோ மாடல் காருக்கு இந்தத் தள்ளுபடியை வழங்குகிறது. இதில் வாடிக்கையாளர்கள் ரூ.36,000 வரையில் தள்ளுபடி பெறலாம். ஆல்டோ காரின் மைலேஜ் பொறுத்தவரையில், பெட்ரோல் மாடல் காருக்கு லிட்டருக்கு 22.05 கிமீ மைலேஜ் கிடைக்கிறது. அதே போல, சிஎன்ஜியில் ஒரு கிலோவுக்கு 31.59 கிமீ மைலேஜ் கிடைக்கும்.

இந்த வங்கி இனி இயங்காது... வாடிக்கையாளர்கள் அதிர்ச்சி!!
தள்ளுபடியைப் பொறுத்தவரையில், ஆல்டோ காருக்கு ரூ.17,000 ரொக்க தள்ளுபடி, ரூ.15,000 பரிமாற்ற போனஸ் மற்றும் ரூ.4,000 கார்ப்பரேட் தள்ளுபடி என மொத்தம் 36,000 ரூபாய் தள்ளுபடி கிடைக்கிறது. குறிப்பிட்ட சில காலத்துக்கு மட்டுமே இச்சலுகை கிடைக்கும் என்று கூறப்பட்டுள்ளது. அதுவும் மாநிலத்துக்கு மாநிலம் டீலர்களைப் பொறுத்து தள்ளுபடி தொகையில் மாற்றம் இருக்கலாம். எனவே இந்தக் காரை வாங்குவதற்கு முன்னர் டீலர்களிடம் இச்சலுகை குறித்து முன்கூட்டியே விசாரிக்கலாம்.

காரின் விலையைப் பொறுத்தவரையில், டெல்லி ஷோரூம் விலை ரூ.2,99,800 ஆக உள்ளது. அதேநேரம் ஆல்டோ காரின் டாப் எண்ட் வேரியண்ட் விலை ரூ.4,48,200 ஆக உள்ளது.