சிலிண்டர் வேணுமா? மிஸ்டு கால் கொடுத்தாலே போதும்!

புதிய LPG சிலிண்டர் வேண்டுமா? நீங்கள் எங்கும் அலையத் தேவையில்லை. ஒரே ஒரு மிஸ்டு கால் போதும்... சிலிண்டர் வீடு தேடி வரும். அப்படிப்பட்ட வசதியை இந்தியன் ஆயில் கார்பரேஷன் நிறுவனம் அறிமுகம் செய்துள்ளது. 8454955555 என்ற நம்பருக்கு நீங்கள் மிஸ்டு கால் கொடுத்தால் போதும். இந்தியன் ஆயில் நிறுவனத்தின் தலைவர் எஸ்.எம்.வைத்யா இந்தத் திட்டத்தைத் தொடங்கி வைத்துள்ளார்.

Indane சிலிண்டர் வாடிக்கையாளர்கள் தங்களது பதிவு செய்யப்பட்ட மொபைல் நம்பரிலிருந்து மிஸ்டு கால் கொடுத்து சிலிண்டர் ரீபிள் செய்து கொள்ளலாம். ஏற்கெனவே உள்ள வாடிக்கையாளர்களுக்கும் புதிய வாடிக்கையாளர்களுக்கும் இந்த வசதியை இந்தியன் ஆயில் நிறுவனம் வழங்குகிறது.

இந்த நாணயம் உங்க கிட்ட இருக்கா? ரூ.5 லட்சம் கிடைக்கும்!
சிலிண்டர் ரீபிள் புக்கிங் செய்வதற்கும் புதிய இணைப்புகளுக்கும் மிஸ்டு கால் கொடுக்கும் வசதி, குறிப்பிட்ட சில பகுதிகளில் இந்த ஆண்டு ஜனவரி மாதம் அறிமுகப்படுத்தப்பட்டது. மூத்த குடிமக்களுக்கும் ஊரகப் பகுதிகளைச் சார்ந்தவர்களுக்கும் இந்த வசதி பயனுள்ளதாக உள்ளது. சிலிண்டர் புக்கிங் செய்த பிறகு வாடிக்கையாளர்கள், பாரத் பில் பேமென்ட் சிஸ்டம் (BBPS), IndianOil One App அல்லது https://cx.indianoil.in வலைதளம் மூலமாகப் பணம் செலுத்தலாம்.

அதேபோல, 758888882 என்ற வாட்ஸ் ஆப் நம்பர் மூலமாகவும் வாடிக்கையாளர்கள் புக்கிங் செய்து பேமென்ட் செய்யலாம். சிலிண்டர் புக்கிங் செய்வதற்குப் பல வழிகள் இருந்தாலும் மிஸ்டு கால் மூலமாக புக்கிங் செய்வது வாடிக்கையாளர்களுக்கு மிகவும் சுலபமாக இருக்கும்.