தள்ளுபடி விலையில் விமான டிக்கெட்.. அதிரடி சலுகை!

இந்திய குடியரசு தினம் வரும் ஜனவரி 26ஆம் தேதி கொண்டாடப்படவுள்ளது. குடியரசு தினத்தை முன்னிட்டு கோர் ஃபர்ஸ்ட் (Go First) ஏர்லைன் நிறுவனம் விமானப் பயணிகளுக்கு தள்ளுபடி விலையில் டிக்கெட் விற்பனை செய்கிறது.

கொரோனா நெருக்கடி காலகட்டத்தில் விமானப் போக்குவரத்து குறைந்துள்ளது. இதன் விளைவாக விமான டிக்கெட் கட்டணமும் கடுமையாக உயர்ந்துள்ளது. இந்த சூழலில் கோ ஃபர்ஸ்ட் ஏர்லைன் நிறுவனம் குடியரசு தினத்தை முன்னிட்டு டிக்கெட் சலுகை வழங்குகிறது.

இதன்படி, 1000 ரூபாய் டிக்கெட் கட்டணத்துக்குள் விமானத்தில் பயணிக்க கோ ஃபர்ஸ்ட் நிறுவனம் அனுமதிக்கிறது. சரியாக சொன்னால் 926 ரூபாய்க்கு விமான டிக்கெட் விற்பனை செய்கிறது கோ ஃபர்ஸ்ட் நிறுவனம்.

ஊழியர்களுக்கு ரூ.3 லட்சம் போனஸ்.. ஒரே ஒரு கண்டீஷன்!
Right to Fly எனப்படும் இச்சலுகையின் கீழ் 926 ரூபாயில் இருந்து விமான டிக்கெட் கட்டணம் தொடங்குகிறது. சலுகையின் பலன்களை முழுமையாக பெற வேண்டுமெனில் ஜனவரி 26ஆம் தேதிக்குள் டிக்கெட் புக் செய்துவிட வேண்டும் என்பது குறிப்பிடத்தக்கது.

இச்சலுகையின் கீழ் பிப்ரவரி 11 முதல் மார்ச் 31ஆம் தேதி வரையிலான காலத்துக்கும் விமான டிக்கெட்டுகளை புக் செய முடியும். மேலும், இச்சலுகை one-way பயணத்துக்கு மட்டுமே பொருந்தும். மேலும், இந்த சலுகையை உள்நாட்டு பயணத்துக்கு மட்டுமே பயன்படுத்த முடியும். சர்வதேச விமான டிக்கெட்டுகளுக்கு இந்த சலுகை கிடைக்காது.