சென்ற நிதியாண்டில் நாட்டின் தங்கம் இறக்குமதி 24% சரிவு

சென்ற 2016-17ம் நிதியாண்டில் நாட்டின் தங்கம் இறக்குமதி 24% சரிவடைந்துள்ளதாக, தெரியவந்துள்ளது.

சர்வதேச சந்தையில் இருந்து கச்சா எண்ணெய், தங்கம் உள்ளிட்டவை அதிகளவில் இறக்குமதி செய்யப்படுகின்றன. இதனால், இந்தியாவின் நடப்பு கணக்குப் பற்றாக்குறை கட்டுப்படுத்த முடியாத அளவுக்கு உயர்ந்தது. இதையடுத்து, தங்கம், வெள்ளி இறக்குமதி தொடர்பான வரியை அதிகரித்து, மத்திய அரசு அவ்வப்போது அறிவிப்பு வெளியிட்டு வருகிறது.

இதனால், கடந்த 2 ஆண்டுகளாக, தங்கம் இறக்குமதி படிப்படியாக குறைய தொடங்கியுள்ளது. தற்போது முடிவடைந்த 2016-17ம் நிதியாண்டின் ஏப்ரல் முதல் பிப்ரவரி வரையான காலத்தில் மொத்தம் 23.22 பில்லியன் டாலர் மதிப்பிலான தங்கம் இறக்குமதி செய்யப்பட்டுள்ளது. இது முந்தைய நிதியாண்டின் இதே காலத்தில் இருந்ததோடு ஒப்பிடுகையில், 24% குறைவாகும்.

மதிப்பீட்டு காலத்தில், சர்வதேச சந்தையிலும், உள்நாட்டிலும் தங்கம் விலை குறைவாகக் காணப்பட்டதும், அதன் இறக்குமதி குறைய மற்றொரு காரணமாகக் கூறப்படுகிறது.

India's gold import witnessed a fall of about 24 per cent to $23.22 billion in April- February period of the last fiscal, which is expected to keep a lid on the current account deficit.