2016-17ம் நிதியாண்டின் முதல் இரண்டு மாதங்களில் நாட்டின் ஒட்டுமொத்த தங்கம் இறக்குமதி 51% வீழ்ச்சியடைந்துள்ளது.
கச்சா எண்ணெய்க்கு அடுத்தப்படியாக, வெளிநாடுகளில் இருந்து தங்கம் மற்றும் வெள்ளி அதிகளவில் இந்தியாவுக்கு இறக்குமதி செய்யப்படுகிறது. உள்நாட்டிலும் அதிகளவு தேவை காணப்படுவதால், தொடர்ச்சியாக, அதிகளவு தங்கம் சர்வதேச சந்தையில் இருந்து இறக்குமதியாகிறது. இதனால், தங்கம் இறக்குமதியில் இந்தியா முதல் நாடாக உள்ளது.
ஆனால், தங்கம் இறக்குமதி செய்யப்படுவதற்கு ஏற்ப, நகைகள் செய்து, ஏற்றுமதி செய்யப்படுவதில்லை எனக் கூறப்படுகிறது. இதனால், நாட்டின் நடப்பு கணக்குப் பற்றாக்குறை விகிதம் மேன்மேலும் அதிகரித்து, மத்திய அரசுக்கு கூடுதல் பொருளாதார சுமை ஏற்படுகிறது. இதை தடுக்கும் விதமாக, தங்கம் இறக்குமதி மீதான வரியை அதிகரித்து, மத்திய அரசு உத்தரவிட்டுள்ளது.
இதனால், சமீபகாலமாக, தங்கம் இறக்குமதி குறைந்துவருகிறது. இதன்படி, நடப்பு நிதியாண்டின் ஏப்ரல், மே ஆகிய இரண்டு மாதங்களில், நாட்டின் தங்கம் இறக்குமதி 51% சரிவடைந்து, 2.7 பில்லியன் அமெரிக்க டாலர்களாக உள்ளது. இதன்மூலமாக, நடப்பு கணக்குப்பற்றாக்குறை விகிதமும் ஓரளவு குறைந்துள்ளதாக, மத்திய பொருளாதார அமைச்சகம் வெளியிட்ட செய்திக்குறிப்பில் கூறப்பட்டுள்ளது.
கச்சா எண்ணெய்க்கு அடுத்தப்படியாக, வெளிநாடுகளில் இருந்து தங்கம் மற்றும் வெள்ளி அதிகளவில் இந்தியாவுக்கு இறக்குமதி செய்யப்படுகிறது. உள்நாட்டிலும் அதிகளவு தேவை காணப்படுவதால், தொடர்ச்சியாக, அதிகளவு தங்கம் சர்வதேச சந்தையில் இருந்து இறக்குமதியாகிறது. இதனால், தங்கம் இறக்குமதியில் இந்தியா முதல் நாடாக உள்ளது.
ஆனால், தங்கம் இறக்குமதி செய்யப்படுவதற்கு ஏற்ப, நகைகள் செய்து, ஏற்றுமதி செய்யப்படுவதில்லை எனக் கூறப்படுகிறது. இதனால், நாட்டின் நடப்பு கணக்குப் பற்றாக்குறை விகிதம் மேன்மேலும் அதிகரித்து, மத்திய அரசுக்கு கூடுதல் பொருளாதார சுமை ஏற்படுகிறது. இதை தடுக்கும் விதமாக, தங்கம் இறக்குமதி மீதான வரியை அதிகரித்து, மத்திய அரசு உத்தரவிட்டுள்ளது.
இதனால், சமீபகாலமாக, தங்கம் இறக்குமதி குறைந்துவருகிறது. இதன்படி, நடப்பு நிதியாண்டின் ஏப்ரல், மே ஆகிய இரண்டு மாதங்களில், நாட்டின் தங்கம் இறக்குமதி 51% சரிவடைந்து, 2.7 பில்லியன் அமெரிக்க டாலர்களாக உள்ளது. இதன்மூலமாக, நடப்பு கணக்குப்பற்றாக்குறை விகிதமும் ஓரளவு குறைந்துள்ளதாக, மத்திய பொருளாதார அமைச்சகம் வெளியிட்ட செய்திக்குறிப்பில் கூறப்பட்டுள்ளது.