ராக்கெட் வேகத்தில் தங்கம் விலை.. மீண்டும் எப்போ வாங்கலாம்?

இந்தியாவில் அண்மையில் தங்கம் விலை குறைந்தது நகை வாங்குவோருக்கு பெரும் நிவாரணமாக அமைந்தது. இந்நிலையில், கடந்த சில தினங்களாக மீண்டும் தங்கம் விலை உயர்ந்து வருகிறது. அடுத்து வரும் நாட்களில் தங்கம் விலை எப்படி இருக்கும்?

தங்கம் விலை

சென்னையில் இன்று தங்கம் விலை சவரனுக்கு 520 ரூபாய் உயர்ந்துள்ளது. நேற்று தங்கம் விலை சவரனுக்கு 440 ரூபாய் உயர்ந்தது. ஆக இரண்டே நாட்களில் தங்கம் விலை சவரனுக்கு 960 ரூபாய் உயர்ந்துள்ளது. தோராயமாக 1000 ரூபாய் உயர்ந்துள்ளது என வைத்துக்கொள்வோம்.

தங்கம் விலை சரிய காரணம் என்ன?

அமெரிக்காவில் கடந்த வாரம் சிலிக்கான் வேலி வங்கி (Silicon Valley Bank) திவாலானது. இது சர்வதேச அளவில் அதிர்வலைகளை எழுப்பியுள்ளது. சிலிக்கான் வேலி வங்கியை தொடர்ந்து நியூ யார்க்கை சேர்ந்த சிக்னேச்சர் வங்கியும் (Signature Bank) திவாலானது.

பங்குச் சந்தைகள் சரிவு

இதனால் அமெரிக்க பங்குச் சந்தைகள் கடுமையாக சரிந்துள்ளன. இதன் எதிரொலியாக இந்தியா உள்பட பல்வேறு நாடுகளில் பங்குச் சந்தைகள் சரிவடைந்துள்ளன.

பாதுகாப்பான தங்கம்

பங்குச் சந்தைகள், மியூச்சுவல் ஃபண்ட், கடன் பத்திரங்கள் போன்ற சொத்துகள் இப்போது நிலையில்லாமல் இருப்பதால், முதலீட்டாளர்கள் பாதுகாப்பான தங்கத்தில் பணத்தை குவித்து வருகின்றனர். இதனால் தங்கம் விலை வேகவேகமாக உயர்ந்து வருகிறது.

அமெரிக்கா எடுக்கப்போகும் முடிவு

எனினும், மார்ச் 22ஆம் தேதி அமெரிக்காவில் பெடரல் ரிசர்வ் வட்டி விகிதம் உயர்வு குறித்து அறிவிப்பு வெளியிட இருக்கிறது. எதிர்பார்ப்பதை விட வட்டி விகிதம் அதிகம் உயர்த்தப்படும் என ஏற்கெனவே பெடரல் ரிசர்வ் தலைவர் ஜெரோம் பவல் தெரிவித்துள்ளார்.

தங்கம் விலை குறையுமா?

எனவே, அமெரிக்காவில் மார்ச் 22ஆம் தேதி வட்டி விகிதம் உயர்த்தப்பட்டால் தங்கம் விலை மீண்டும் குறைய வாய்ப்புள்ளது. அந்த சூழலில் தங்கம் வாங்குவோருக்கு மீண்டும் ஒரு வாய்ப்பு கிடைக்கும் என எதிர்பார்க்கப்படுகிறது.