Gold investment: தங்கம் விலை தொடர் சரிவு.. நகை வாங்குவோருக்கு அடித்த அதிர்ஷ்டம்!

தங்கம் விலை அண்மையில் இந்தியாவில் வரலாறு காணாத உச்சத்தை தொட்டது. இதனால், தங்கத்தில் முதலீடு செய்தவர்கள் மகிழ்ச்சி அடைந்தாலும் கூட, நகை வாங்குவோர் விலை உயர்வால் அதிர்ச்சி அடைந்தனர். வரும் நாட்களில் தங்கம் விலை மேலும் உயருமோ என்ற அச்சம் நிலவியது.

இந்நிலையில், கடந்த சில நாட்களாக தங்கம் விலை குறைந்துகொண்டே வருகிறது. இதனால், நகை வாங்குவோருக்கு ஒரு அட்டகாசமான வாய்ப்பு கிடைத்துள்ளது. இந்த சூழலில் தற்போதும் தங்கம் விலை அழுத்தத்திலேயே இருக்கிறது. வரும் நாட்களில் தங்கம் விலை கூடுதலாக சரியலாம் எனவும் எதிர்பார்க்கப்படுகிறது.

தங்கம் விலை குறைந்தது ஏன்?

கடந்த சுமார் ஒரு வார காலமாக தங்கம் விலை குறைந்து வருகிறது. அமெரிக்க டாலர் மதிப்பு உயர்ந்தது தங்கம் விலை குறைந்ததற்கு ஒரு முக்கியமான காரணமாக உள்ளது. இதுமட்டுமல்லாமல், அமெரிக்க ஃபெடரல் ரிசர்வ் மீண்டும் வட்டி விகிதத்தை உயர்த்தும் என்ற அச்சம் எழுந்துள்ளது. தங்கம் விலை குறைவுக்கு இதுவே பிரதான காரணமாக உள்ளது.

வட்டி விகிதம் உயர்வு

அமெரிக்காவில் மீண்டும் பணவீக்கம் உயர்ந்துள்ளது. இதனால், அமெரிக்க ஃபெடரல் ரிசர்வ் வங்கியின் அடுத்த கொள்கை கூட்டத்தில் வட்டி விகிதம் மீண்டும் உயர்த்தப்படும் என எதிர்பார்க்கப்படுகிறது. இந்த அச்சம் தற்போது உலகளவில் தங்கம் முதலீட்டாளர்களை அச்சம் அடைய செய்துள்ளது.

அமெரிக்க டாலர் உயர்வு

ஃபெடரல் ரிசர்வ் மீண்டும் வட்டி விகிதத்தை உயர்த்தும் என அச்சம் எழுந்துள்ளதால், அமெரிக்க டாலரின் மதிப்பு பயங்கர வேகத்தில் உயர்ந்து வருகிறது.

தங்கம் விலை சரிவு

வட்டி விகிதம் மீண்டும் உயரும் என்ற அச்சத்தாலும், அமெரிக்க டாலர் மதிப்பு அதிவேகத்தில் உயர்ந்து வருவதாலும் தற்போது தங்கம் விலை குறைந்து வருகிறது. எனவே, தங்கம் முதலீட்டாளர்களுக்கும், நகை வாங்குவோருக்கும் முதலீடு செய்ய இதுவொரு நல்ல வாய்ப்பாக அமைந்துள்ளது.