தங்கம் விலை: மீண்டும் ஆட்டம் ஆரம்பம்!

சென்னையில் இன்று (ஜூன் 24) காலையில் ஒரு கிராம் (22 கேரட்) ஆபரணத் தங்கத்தின் விலை ரூ.4,440 ஆக இருந்தது. அதற்குள் மாலை நேரத்தில் இதன் விலை ரூ.4,450 ஆக உயர்த்தப்பட்டுள்ளது.

அதேபோல, காலையில் 35,520 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் மாலையில் 80 ரூபாய் உயர்ந்து 35,600 ரூபாய்க்கு விற்பனையாகிறது.

தூய தங்கத்தின் விலையும் தற்போது உயர்த்தப்பட்டுள்ளது. காலையில் 4,799 ரூபாய்க்கு விற்பனை செய்யப்பட்ட ஒரு கிராம் தூய தங்கம் மாலையில் 4,809 ரூபாயாக உயர்ந்துள்ளது.

அதேபோல 38,392 ரூபாய்க்கு விற்பனை செய்யப்பட்ட 8 கிராம் தூய தங்கம் 80 ரூபாய் உயர்ந்து 38,472 ரூபாய்க்கு விற்பனையாகிறது.

வெள்ளி விலையும் உயர்த்தப்பட்டுள்ளது. சென்னையில் ஒரு கிராம் வெள்ளி விலை இன்று காலையில் ரூ.73.10 ஆக இருந்தது. தற்போது அது ரூ.73.30 ஆக உயர்ந்துள்ளது. ஒரு கிலோ வெள்ளி 73,300 ரூபாய்க்கு விற்பனை செய்யப்படுகிறது.

கடந்த சில மாதங்களாகவே தங்கம் விலை சென்னையில் தொடர்ந்து உயர்த்தப்பட்டு வருகிறது. ஒரு நாள் குறைந்தால் இரண்டு நாள் அதிகரிக்கிறது. இதனால் நகை வாங்குவோர் பெரும் சிரமத்துக்கு ஆளாகியுள்ளனர்.