தங்கம் பிரியர்களுக்கு அதிர்ஷ்ட காலம் ஆரம்பம்.. விலை குறையப்போகுது!

தங்கம் குறைந்த விலையில் வாங்க விரும்புவோருக்கு வரும் நாட்கள் சாதகமாக அமையும் என எதிர்பார்க்கப்படுகிறது. மார்ச் மாதம் இறுதிக்குள்ளேயே தங்கம் வாங்குவோருக்கு நல்ல செய்தி வருவதற்கான வாய்ப்பு பிரகாசமாக இருக்கிறது.

தங்கம் விலை

இந்தியாவில் தங்கம் விலை அண்மையில் வரலாறு காணாத உச்சத்தை தொட்டது. இதனால் தங்கம் முதலீட்டாளர்கள் மகிழ்ச்சி அடைந்தாலும், புதிதாக தங்கம் வாங்குவோருக்கு என்ன செய்வதென புரியவில்லை. எனினும், பின்னர் தங்கம் விலை கடகடவென குறைந்துவிட்டது.

தங்கம் விலை சரிய காரணம்

ஏற்கெனவே அமெரிக்க பெடரல் ரிசர்வ் வட்டி விகிதத்தை தொடர்ந்து உயர்த்தி வருகிறது. இதற்கிடையே, எதிர்பார்ப்பதை விடவும் வட்டி விகிதம் அதிகமாக உயர்த்தப்படும் என பெடரல் ரிசர்வ் தலைவர் ஜெரோம் பவல் தெரிவித்துவிட்டார். இதன்பின் தங்கம் விலை குறையத் தொடங்கிவிட்டது.

மார்ச் மாத பெடரல் ரிசர்வ் கூட்டம்

இந்த மார்ச் மாதம் பெடரல் ரிசர்வ் மீண்டும் வட்டி விகிதம் குறித்த தனது முடிவை மார்ச் 22ஆம் தேதி வெளியிட இருக்கிறது. ஜெரோம் பவல் பேச்சை வைத்து பார்க்கும்போது இந்த முறை நிச்சயமாக வட்டி விகிதம் உயர்த்தப்படும் என்பது உறுதியாகிவிட்டது. எனினும் எவ்வளவு வட்டி விகிதம் உயர்த்தப்படும் என்பதே தெளிவாகவில்லை.

தங்கம் விலை மேலும் குறையும்

எனவே, மார்ச் 20 தேதிகளிலும், அதன்பிறகும் தங்கம் விலை மேலும் குறையும் என எதிர்பார்க்கப்படுகிறது. இது தங்கத்தை குறைந்த விலையில் வாங்க விரும்புவோருக்கு ஒரு அட்டகாசமான வாய்ப்பு.