பாமாயில் விலை தொடர் சரிவு.. இல்லத்தரசிகளுக்கு குட் நியூஸ்!

விருதுநகர் சந்தையில் பாமாயில், மல்லி ஆகிய சரக்குகளின் விலை குறைந்துள்ளது. இருப்பினும், பாசிப்பருப்பின் விலை உயர்ந்துள்ளது.

விருதுநகர் சந்தையில் பாமாயில் விலை

விருதுநகர் சந்தையில் வாரம் தோறும் அத்தியவாசிய உணவுப் பொருட்களின் விலைப் பட்டியல் வெளியிடப்பட்டு வருகிறது. இதில், பாமாயில் விலையானது, கடந்தவாரம் 15 கிலோ 1620 ரூபாய்க்கு விற்பனையான நிலையில், இந்த வாரம் 90 ரூபாய் குறைந்து தற்போது 1530 ரூபாய்க்கு விற்பனை செய்யப்படுகிறது.

மல்லி விலை

இதேபோல், கடந்த வாரம் 40 கிலோ மல்லி (லையன்) விலையானது 4900 ரூபாய் முதல் 5100 ரூபாய் வரை விற்பனை செய்யப்பட்டு வந்த நிலையில், தற்போது 200 ரூபாய் குறைவு ஏற்பட்டு 4700 ரூபாய் முதல் 4900 ரூபாய் வரை விற்பனை செய்யப்படுகிறது.

மதுரை எய்ம்ஸ்.. சென்னை மெட்ரோ.. திருப்பூர் ஜவுளி.. நிர்மலா சீதாராமனிடம் நேரடியாக கேட்ட பிடிஆர்
பாசிப்பருப்பு விலை

பாமாயில், மல்லி விலை குறைந்துள்ள நிலையில், கடந்த வாரம் 100 கிலோ பாசிப்பருப்பின் விலை 9600 ரூபாய்க்கு விற்பனை செய்யப்பட்டு வந்த நிலையில், இந்த வாரம் 100 ரூபாய் உயர்த்தப்பட்டு 9700 ரூபாய்க்கு விற்பனை செய்யப்படுகிறது.

மற்ற உணவுப் பொருட்களின் விலை

மேலும், பிற உணவுப் பொருட்களின் விலையில் எவ்வித மாற்றமும் ஏற்படவில்லை என அவ்விலைப் பட்டியல் மூலம் தெரிவிக்கப்பட்டுள்ளது.

கடந்த வாரம் விலை

கடந்த வாரமும் விருதுநகர் சந்தையில் பாமாயில் விலை குறைந்தது. மேலும், பாசிப்பருப்பு மற்றும் கடலைப் புண்ணாக்கு விலை உயர்ந்தது குறிப்பிடத்தக்கது.