Progcap: இந்திய ஸ்டார்ட் அப் நிறுவனத்தில் கூகுள் முதலீடு!

இந்திய ஃபின்டெக் ஸ்டார்ட் அப் நிறுவனமான பிரோக்கேப் (Progcap) நிறுவனத்தில் கூகுள் (Google) நிறுவனம் முதலீடு செய்துள்ளது. பிரோக்கேப் நிறுவனத்தின் சீரிஸ் சி ஃபண்டிங் ரவுண்டில் கூகுள் நிறுவனம் 40 மில்லியன் டாலர் தொகையை முதலீடு செய்துள்ளது.

பிரோக்கேப் நிறுவனம் சிறு, குறு, தொழில்களுக்கு கடன் வழங்கும் சேவையை வழங்கி வருகிறது. இந்நிறுவனம் சுமார் 700,000 சிறு வியாபாரிகளுக்கு கடன் வழங்கி வருகிறது. இதுவரை சுமார் 6,500 கோடி ரூபாய்க்கு கடன்களை வழங்கியுள்ளது.

பிரோக்கேப் நிறுவனத்தின் சீரிஸ் சி ஃபண்டிங் ரவுண்டின்போது 40 மில்லியன் டாலர் முதலீட்டை கூகுளிடம் இருந்து பிரோக்கேப் ஈர்த்துள்ளது. ஏற்கெனவே டைகர் குளோபல், கிரியேஷன் இன்வெஸ்ட்மெண்ட்ஸ் ஆகிய நிறுவனங்கள் பிரோக்கேப் நிறுவனத்தில் 30 மில்லியன் டாலர் முதலீடு செய்துள்ளனர்.

Adani: வங்கிகளிடம் 6071 கோடி ரூபாய் கடன் வாங்கிய அதானி.. காரணம் இதுதான்!
கடந்த ஒரு ஆண்டில் மட்டும் 100 மில்லியன் டாலர் முதலீட்டை பிரோக்கேப் திரட்டியுள்ளது. தற்போது பிரோக்கேப் நிறுவனத்தின் மதிப்பு 600 மில்லியன் டாலராக உயர்ந்துள்ளது.

பிரோக்கேப் நிறுவனம் புதிய சேவைகள், திட்டங்களை அறிமுகப்படுத்துவதற்கு திட்டமிட்டுள்ளது. கூகுள் உள்ளிட்ட நிறுவனங்களிடம் கிடைத்த முதலீட்டை பயன்படுத்தி தொழிலை விரிவாக்கவும், சேவைகளை வேகப்படுத்தவும் திட்டமிட்டுள்ளதாக பிரோக்கேப் தெரிவித்துள்ளது.