அரசு ஊழியர்களுக்கு ஹேப்பி நியூஸ்... சம்பள உயர்வு!!

மத்திய அரசு ஊழியர்களுக்கான அகவிலைப்படி 28 சதவீதமாக சமீபத்தில் உயர்த்தப்பட்டது. அகவிலைப்படி உயர்வைத் தொடர்ந்து அரசு ஊழியர்களுக்கான வீட்டு வாடகை சலுகையும் (HRA) உயர்கிறது. சென்ற ஜூலை மாதத்தில்தான் அகவிலைப்படி உயர்வை மத்திய அரசு வெளியிட்டிருந்தது. கொரோனா ஊரடங்கு பிரச்சினைகளால் அகவிலைப்படி உயர்வு தற்காலிகமாக நிறுத்தி வைக்கப்பட்டது. அதன் பின்னர் தற்போது அகவிலைப்படி உயர்வு அமலுக்கு வந்துள்ளது.

7ஆவது ஊதிய கமிஷன் விதிமுறைகளின்படி, மத்திய அரசு ஊழியர்களுக்கான அதிகபட்ச அடிப்படை சம்பளம் மாதத்துக்கு ரூ.56,000. இதில் வீட்டு வாடகைச் சலுகையாக 27 சதவீதம் கிடைக்கும்.

அதாவது,
HRA = Rs 56000 x 27/100 = ரூ.15,120


மாதத்துக்கு 15,120 ரூபாய் கிடைக்கும். இதற்கு முன்னர் 24 சதவீத HRA-வில் ரூ.13,440 கிடைத்தது. 7ஆவது ஊதிய கமிஷன் வருவதற்கு முன்னர் மூன்று பிரிவுகளின் கீழ் முறையே 30%, 20% மற்றும் 10% HRA கிடைத்தது. அதன் பின்னர் 29%, 19%, 9% ஆகக் குறைக்கப்பட்டது. இதில் மூன்று பிரிவுகள் என்பது X, Y, Z. இவை நகரங்களைக் குறிக்கும். 50 லட்சத்துக்கு மேல் மக்கள் தொகை கொண்ட நகரங்கள் X பிரிவில் வருகின்றன. இந்த நகரங்களில் பணியாற்றும் ஊழியர்களுக்கு 27 சதவீத HRA கிடைக்கும்.