ஜிஎஸ்டி ஜூன் 30 நள்ளிரவில் நிறைவேற்றம்: இதோ அருண் ஜெட்லியின் நிகழ்ச்சி குறிப்பு!!

டெல்லி: ''ஜிஎஸ்டி வரி வரும் ஜூன் 30 மற்றும் ஜூலை 1ஆம் தேதி இரவு கண்டிப்பாக அமலுக்கு வரும். அன்று இரவு நாடாளுமன்ற மத்திய ஹாலில் இதற்கான துவக்க விழா நடைபெறும்'' என்று நிதியமைச்சர் அருண் ஜெட்லி தெரிவித்துள்ளார்.

இதுகுறித்து டெல்லியில் இன்று அருண் ஜெட்லி கூறுகையில், ''ஜிஎஸ்டி வரி வரும் ஜூன் 30ஆம் தேதி இரவுகண்டிப்பாக அமலுக்கு வரும். அண்டு இரவு நாடாளுமன்ற மத்திய ஹாலில் இந்தத் திட்டத்திற்கான துவக்க விழா நடைபெறும். இதில் கலந்து கொள்ள ஜிஎஸ்டி கவுன்சில் உறுப்பினர்கள், மாநில முதல்வர்கள், இந்தத் திட்டம் நிறைவேற உடன் ஒத்துழைத்த அதிகாரிகள் ஆகியோர் அழைக்கப்பட்டுள்ளனர்.

* ஜிஎஸ்டி அமலுக்கு வரும். பழைய வரி முறையில் இருந்து புதிய நடைமுறைக்கு மாற்றம் உருவாகும்

* ஜனாதிபதி பிரணாப் முகர்ஜி தலைமையில் விழா நடைபெறும். இதில் பங்கேற்க ஜனாதிபதி ஒப்புக் கொண்டார்.

* பிரதமர் மோடி, துணை ஜனாதிபதி ஹமித் அன்சாரி, நாடாளுமன்ற சபாநாயகர் சுமித்ரா மகாஜன் ஆகியோரும் பங்கேற்க ஒப்புக் கொண்டுள்ளனர்.

* முன்னாள் பிரதமர்கள் மன்மோகன் சிங், தேவகவுடா ஆகியோரும் விழா மேடையில் இருப்பார்கள்

* ஒரு மணி நேரம் நடைபெறும் இந்த விழாவில் பிரதமர் மோடி மற்றும் ஜனாதிபதி பிரணாப் முகர்ஜி ஆகியோர் பேசுவார்கள்

* பின்னர் இரண்டு சிறிய திரைப்படங்கள் திரையிடப்படும்

தொழில் நிறுவனங்கள் பழைய முறையில் இருந்து புதிய முறைக்கு மாறுவது கடினம் இல்லை. மாற்றம் வரும்போது, குறுகிய காலத்திற்கு சவால்கள் இருக்கத்தான் செய்யும். நிறுவனங்கள் இரண்டு மாதங்களுக்கு தாமதமான வரி செலுத்த அனுமதி வழங்கப்படும். ஏற்கனவே இதுவரை 65 லட்சம் தொழில்கள் ஜிஎஸ்டியில் பதிவு செய்துள்ளன'' என்றார்.

நாடு சுதந்திரம் அடைந்த பின்னர் முதன் முதலாக புதிய முறையிலான வரி அமலுக்கு வருகிறது. புதிய ஜிஎஸ்டி வரியின் மூலம் மொத்த உள்நாட்டு உற்பத்தி 2 சதவீதம் அதிகரிக்கும் என்று எதிர்பார்க்கப்படுகிறது.

Finance Minister Arun Jaitley on Tuesday shared the contours of the GST (Goods and Services tax) launch program on the midnight of June 30 and July 1.