ஜிஎஸ்டி நடைமுறை பற்றி நாளை நாடாளுமன்றத்தில் ஒருநாள் சோதனை ஓட்டம்

ஜிஎஸ்டியை நடைமுறை கொண்டுவருவதற்கான சோதனை ஓட்டம், நாளை நாடாளுமன்றத்தில் நடத்தப்படுகிறது.

ஜூலை 1ம் தேதி முதல் நாடு முழுவதும் ஒற்றை சரக்கு, சேவை வரியை மத்திய அரசு அமல்படுத்த உள்ளது. இதனால், பல தொழில் நிறுவனங்கள், பல்வேறு வகைகளிலும், பாதிக்கப்படும் எனக் கூறப்படுகிறது. இந்நிலையில், ஜிஎஸ்டி அமல்படுத்துவது பற்றி, நாளை ஒருநாள் சோதனை ஓட்டத்தை, மத்திய அரசு நடத்த முடிவு செய்துள்ளது.

இதன்படி, நாடாளுமன்றத்தில் நாளை சோதனை ஓட்டம் அமலுக்கு வர உள்ளதாகவும், இதில் குடியரசுத் தலைவர் பிரணாப் முகர்ஜி, பிரதமர் நரேந்திர மோடி உள்ளிட்ட பலரும் பங்கேற்க உள்ளதாகவும் மத்திய அரசு தரப்பில் கூறப்பட்டுள்ளது.

இந்த நடைமுறை கடந்த 60 ஆண்டுகளில் மேற்கொள்ளப்படும் மிகப்பெரிய பொருளாதார நடவடிக்கை என்பதும் குறிப்பிடத்தக்கது.

A mega rehearsal has been planned on Wednesday in the Central Hall of Parliament ahead of the historic GST launch on the midnight of June 30.