அமுல் பால் விலை உயர்வு.. இனி புதிய ரேட் இதுதான்!

பிரபல பால் நிறுவனமான அமுல் (Amul) பால் விலையை உயர்த்த முடிவு செய்துள்ளது. இதன்படி, குஜராத்தில் அமுல் நிறுவனம் பால் விலையை லிட்டருக்கு 2 ரூபாய் உயர்ர்த்தியுள்ளது.

கடந்த டிசம்பர் மாதம் குஜராத் சட்டமன்ற தேர்தல் முடிவடைந்த சட்டமன்ற தேர்தலுக்கு பின் முதல்முறையாக இப்போது பால் விலையை அமுல் நிறுவனம் உயர்த்தியுள்ளது.

இதன்படி குஜராத்தில் உள்ள அகமதாபாத், காந்திநகர், சவுராஷ்டிரா உள்ளிட்ட பல்வேறு பகுதிகளில் அமுல் பால் விலை உயர்வு அமலுக்கு வந்துள்ளது. இதன்படி அமுல் பாலின் உயர்த்தப்பட்ட புதிய விலையை பார்க்கலாம்.

அமுல் பால் புதிய விலை:

• அமுல் கோல்டு பால் அரை லிட்டர் விலை 32 ரூபாயாக உயர்த்தப்பட்டுள்ளது.

• அமுல் ஸ்டாண்டர்ட் பால் அரை லிட்டர் விலை 29 ரூபாயாக உயர்த்தப்பட்டுள்ளது.

• அமுல் டாஸா பால் விலை அரை லிட்டர் 26 ரூபாயாக உயர்த்தப்பட்டுள்ளது.

• அமுல் டி-ஸ்பெஷல் பால் அரை லிட்டர் விலை 30 ரூபாயாக உயர்த்தப்பட்டுள்ளது.

இதற்கு முன்பாக குஜராத்தில் சட்டமன்ற தேர்தல் வருவதற்கு முன் 2022ஆம் ஆண்டு ஆகஸ்ட் மாதம் அமுல் நிறுவனம் பால் விலையை லிட்டருக்கு 2 ரூபாய் உயர்த்தியது. ஆனால், அப்போது குஜராத்தை தவிர மற்ற எல்லா மாநிலங்களிலும் விலை உயர்வு அமல்படுத்தப்பட்டது.

இந்நிலையில், தற்போது குஜராத்தில் அமுல் நிறுவனம் பால் விலையை உயர்த்தியுள்ளது. அமுல் நிறுவனம் தினசரி 264 லட்சம் லிட்டர் சராசரியாக பால் கொள்முதல் செய்து வருகிறது. பல்லாயிரக்கணக்கான குஜராத் கிராமங்களில் இருந்து பால் கொள்முதல் செய்யப்பட்டு விற்பனை செய்யப்படுகிறது.