வேலை போச்சுனா கவலை இல்லை.. அதற்கும் இன்சூரன்ஸ் இருக்கு!

ஆட்குறைப்பு அல்லது வேலை இழப்பு என்பது இப்போது சாதாரண ஒன்றாகிவிட்டது. பல்வேறு துறைகளில் பல்வேறு நிறுவனங்களில் ஊழியர்கள் பலர் வேலையை விட்டு நீக்கப்பட்டு வருகின்றனர். பணி இழப்பு என்பது மன உளைச்சலைத் தரலாம். பெரிய நிதி நெருக்கடியையும் ஏற்படுத்தலாம். வீட்டுக் கடன் EMI, வீட்டு வாடகை, பள்ளிக் கட்டணம் மற்றும் அன்றாடச் செலவுகளைச் சந்திக்க கையில் ஒரு வேலை இருப்பது அவசியம்.

இந்தியாவில் வேலை இழப்புக்கு தனி கொள்கை இல்லை. எனவே இந்த பாலிசி உங்களுக்கு பெரிதும் உதவியாக இருக்கும். ஏற்கெனவே நீங்கள் எடுக்கும் காப்பீட்டு பாலிசிகளுடன் கூடுதல் பலனாக இதை நீங்கள் சேர்க்கலாம். இந்த கவருக்கு தனியாக பணம் செலுத்த வேண்டும். இந்த காப்பீட்டின் கீழ், பாலிசிதாரர் தனது வேலையை இழந்தால் குறிப்பிட்ட காலத்திற்கு காப்பீட்டு நிறுவனம் நிதியுதவி வழங்குகிறது. இதுதவிர, வீட்டுச் செலவுகளை நிர்வகிக்க இதன் மூலம் வருமான ஆதாரத்தைப் பெறுவீர்கள்.

சில நேரங்களில் வேலை இழப்பு காப்பீடு உங்களுக்கு கிடைக்காது. மோசடி, ஊழல் அல்லது வேறு ஏதேனும் குற்றச்சாட்டுகள் காரணமாக நீங்கள் உங்கள் வேலையை இழந்திருந்தால், இந்த காப்பீட்டின் பலன் உங்களுக்கு கிடைக்காது. மறுபுறம், சோதனைக் காலத்தில் (probation period) நீங்கள் உங்கள் வேலையை இழந்தால், இந்தக் காப்பீட்டின் பலன் உங்களுக்குக் கிடைக்காது. இது தவிர, உங்கள் பணி ஒப்பந்த அடிப்படையிலோ அல்லது தற்காலிக அடிப்படையிலோ இருந்தாலும், உங்களுக்கு இந்த பலன் கிடைக்காது.

இந்த காப்பீட்டைப் பெறுவதற்கு வேலையின் போது நிறுவனம் பெற்ற அனைத்து ஆவணங்களையும் காப்பீட்டு நிறுவனத்திற்கு வழங்க வேண்டும். இந்த கோரிக்கைகளை நிறுவனம் விசாரிக்கும். அனைத்து விதிமுறைகளும் நிபந்தனைகளும் பூர்த்தி செய்யப்பட்டால் நீங்கள் உரிமைகோரலைப் பெறுவீர்கள்.