HDFC ஓணம் ஸ்பெஷல்... சிறப்புச் சலுகையில் கடன் வாங்கலாம்!

இந்தியாவின் மிகப் பெரிய தனியார் துறை வங்கிகளில் ஒன்றான ஹெச்.டி.எஃப்.சி. தனது வாடிக்கையாளர்களுக்கு பண்டிகைக் கால சிறப்புச் சலுகை திட்டத்தை அறிவித்துள்ளது. இதன்படி, கார் கடன், வீட்டுக் கடன், நகைக் கடன், தொழில் கடன் உள்ளிட்ட பல்வேறு கடன்களுக்கு குறைந்த வட்டியில் வாடிக்கையாளர்கள் கடன் பெறலாம். இச்சலுகை 2021 செப்டம்பர் 30ஆம் தேதி வரையில் மட்டுமே கிடைக்கும் என்று அறிவிக்கப்பட்டுள்ளது. கடன் சலுகை மட்டுமல்லாமல் ஹெச்.டி.எஃப்.சி. வங்கியில் கிரெடிட் கார்டு மற்றும் டெபிட் கார்டுகளுக்கும் தள்ளுபடி மற்றும் கேஷ்பேக் சலுகை அறிவிக்கப்பட்டுள்ளது.

கார் கடன் வாங்குபவர்களுக்கு 7.65 சதவீத வட்டியில் தொடங்கி கடன் கிடைக்கும்.

பயன்படுத்தப்பட்ட கார்களுக்கான கடன்களுக்கு விற்பனை விலையில் 75 சதவீதம் வரையில் கடன் வாங்கிக் கொள்ளலாம்.

இருசக்கர வாகனக் கடன்களுக்கு 100 சதவீதம் கடன் கிடைக்கும். இதற்கான செயல்பாட்டுக் கட்டணமும் 50 சதவீதமாகக் குறைக்கப்பட்டுள்ளது.

6.75 சதவீதத்தில் தொடங்கி வீட்டுக் கடன் வழங்கப்படுகிறது. ரூ.50 லட்சம் வரையிலான வீட்டுக் கடன்களுக்கு டாப் அப் லோனுக்கு வாடிக்கையாளர்கள் விண்ணப்பிக்கலாம்.

தனிநபர் கடனாக ரூ.40 லட்சம் வரையிலும், தொழில் கடனாக ரூ.75 லட்சம் வரையிலும் வழங்கப்படுகிறது. தனிநபர் கடனுக்கான செயல்பாட்டுக் கட்டணம் ரூ.1,999 மட்டுமே.